قازاقستان- فرانتسۋز كومىرتەكسىزدەندىرۋ كۇنى وتەدى

استانا. قازاقپارات - العاش رەت قازاقستان- فرانتسۋز كومىرتەكسىزدەندىرۋ كۇنى وتەدى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

«2023 -جىلعى 7-ماۋسىمدا فرانتسيا- قازاقستان ساۋدا- ونەركاسىپ پالاتاسى «Kazakh Invest» ۇلتتىق كومپانياسىنىڭ قولداۋىمەن نازاربايەۆ ۋنيۆەرسيتەتىندە العاشقى قازاقستاندىق- فرانتسۋز دەكاربونيزاتسيا كۇنىن ۇيىمداستىرادى.

ءىس- شارانىڭ باستى ماقساتى - كومپانيالاردىڭ تومەن كومىرتەكتى شەشىمدەر سالاسىنداعى ىنتىماقتاستىعى ءۇشىن مۇمكىندىكتەردى انىقتاۋ»، - دەدى ءسىم وكىلى مينيسترلىكتە وتكەن اپتالىق بريفينگ بارىسىندا.

ونىڭ اتاپ وتۋىنشە، دەكاربونيزاتسيا كۇنى فرانسيا مەن قازاقستان اراسىنداعى كومىرتەككە تاۋەلدىلىكتى ازايتۋ ماسەلەسىندەگى ىنتىماقتاستىقتى دامىتۋدىڭ العاشقى الاڭى بولماق. ويتكەنى، ەكى ەل دە 2050 جانە 2060 -جىلدارعا قاراي كومىرتەگى بەيتاراپتىعىنا قول جەتكىزۋ ءۇشىن ءورشىل ماقساتتار قويىپ وتىر.

«ءىس- شارا ەنەرگەتيكالىق اۋىسۋ سالاسىنداعى ەكىجاقتى ىنتىماقتاستىقتى نىعايتۋعا باعىتتالعان. ول ۇكىمەت وكىلدەرىن، ۇلتتىق كومپانيالار مەن «ەurasian Resources Group» ، «Total Energies» ، «Air Liquidە» ، «Orano» سياقتى بيزنەس- كوشباسشىلاردى، سونداي- اق «eCOJER» ، «iGTIC» سياقتى ەكولوگيالىق ۇيىمداردى، عالىمدار مەن باسقا دا قاتىسۋشىلاردى بىرىكتىرەدى. ءىس- شارا اقپاراتپەن الماسۋعا جانە تومەن كومىرتەكتى ەكونوميكاعا كوشۋ ماسەلەلەرىنىڭ شەشىمىن تابۋعا ىقپال ەتەدى. سالا ساراپشىلارى قازاقستاننىڭ ەنەرگەتيكا جانە ونەركاسىپ سەكتورلارىنداعى كومىرتەككە تاۋەلدىلىكتى ازايتۋ جونىندەگى الەۋەتى مەن مۇمكىندىكتەرىن تالقىلايدى»، - دەدى مينيسترلىك وكىلى.