قاسىم- جومارت توقايەۆ اكتريسا سامال ەسلياموۆانى قابىلدادى
كەزدەسۋ بارىسىندا وتاندىق تەاتر ونەرى جانە كينەماتوگرافيا سالاسىن دامىتۋ ماسەلەلەرى تالقىلاندى. پرەزيدەنت قوعامنىڭ رۋحاني دامۋىندا تەاتر مەن كينو ماڭىزدى ءرول اتقاراتىنىنا توقتالىپ، اتالعان سالالارعا مەملەكەت تاراپىنان ءتيىستى قولداۋ كورسەتىلىپ جاتقانىنا نازار اۋداردى.
مەملەكەت باسشىسى وتاندىق فيلمدەردە تاريحىمىزدى، مادەنيەتىمىزدى دارىپتەۋگە، جاستاردىڭ بويىندا پاتريوتيزم سەزىمىن قالىپتاستىرۋعا، رۋحاني- ادامگەرشىلىك قۇندىلىقتاردى ناسيحاتتاۋعا باسا ءمان بەرۋ قاجەت ەكەنىن اتاپ ءوتتى.
ءوز كەزەگىندە سامال ەسلياموۆا پرەزيدەنتكە ءوزىنىڭ الداعى شىعارماشىلىق جوسپارى، وتاندىق ونەر سالاسىن دامىتۋعا قاتىستى ۇسىنىستارى تۋرالى ايتتى.
مەملەكەت باسشىسى قاسىم- جومارت توقايەۆ ۇلت مادەنيەتىن تانىتۋعا ۇلەس قوسىپ كەلە جاتقانى ءۇشىن اكتريسا سامال ەسلياموۆاعا العىس ايتىپ، شىعارماشىلىق تابىس تىلەدى.