تۇرعىندار سانى ازايعان اۋىلدار قالپىنا كەلتىرىلۋى مۇمكىن

استانا. قازاقپارات - ۇلتتىق ەكونوميكا ءمينيسترى الىبەك قۋانتىروۆ تۇرعىندار سانى ازايعان كەيبىر اۋىلدار قالپىنا كەلتىرىلۋى مۇمكىن ەكەندىگىن ايتتى، دەپ حابارلايدى قازاقپارات ءتىلشىسى.

«اۋىل حالقىنىڭ 10 پايىزىنان از بولىگى تۇراتىن 2,8 مىڭ اۋىل سپۋتنيكتىك نەمەسە تىرەك ەلدى مەكەن ساناتىنا جاتپايدى. بۇل اۋىلداردا 700 مىڭعا جۋىق ادام تۇرىپ جاتىر»، - دەدى الىبەك قۋانتىروۆ ماجىلىستەگى ۇكىمەت ساعاتىنان كەيىن.

ونىڭ ايتۋىنشا، تۇرعىندار سانى ەداۋىر ازايعان اۋىلداردا جاعداي قيىنداۋ.

«ال كەيبىر اۋىلداردى قالپىنا كەلتىرىپ، قولداۋ جاسالادى. بۇل تۇرعىدا وسى اۋىلداردىڭ بولاشاعى وڭىرلەردە جۇرگىزىلگەن ساياساتقا قاتىستى بولادى»، - دەدى مينيستر.

بۇدان بۇرىن حابارلانعانداي، وڭىرلىك ستاندارتتار جۇيەسىن وزگەرىس ەنگىزىلىپ، جاڭا رەداكسيادا نىساندار مەن كورسەتىلەتىن قىزمەتتەردىڭ تىزبەسى ايتارلىقتاي كەڭەيتىلدى.

2023 -جىلى وڭىرلەردىڭ ينجەنەرلىك جانە كولىك ينفراقۇرىلىمىن دامىتۋ ءۇشىن 14 وبلىس ورتالىعىندا 67 بيۋدجەتتىك ينۆەستيتسيالىق جوبانى ىسكە اسىرۋعا 42,1 ميلليارد تەڭگە ءبولىندى.

دامۋ الەۋەتى بار 800 اۋىلعا 200 ميلليارد تەڭگە ءبولىندى.