سالىق تولەۋشىنىڭ قۇپيا دەرەكتەرى اكتيۆتەردى قايتارۋ جونىندەگى ۋاكىلەتتى ورگانعا بەرىلەدى
ءماجىلىس دەپۋتاتتارىنىڭ باستاماسىمەن سالىق كودەكسىنە وزگەرىستەر مەن تولىقتىرۋلار ەنگىزىلمەك. اتاپ ايتقاندا، ەندى سالىق ورگاندارى اكتيۆتەردى قايتارۋ جونىندەگى ۋاكىلەتتى ورگاندى وزدەرىنىڭ بازاسىنا قوسۋعا مۇمكىندىك جاساۋى ءتيىس.
«سالىق ورگاندارى اكتيۆتەردى قايتارۋ جونىندەگى ۋاكىلەتتى ورگانعا سالىق ورگاندارىنىڭ اقپاراتتىق جۇيەسىنە قولجەتىمدىلىك بەرۋگە مىندەتتى»، - دەلىنگەن جاڭا رەداكسيادا.
ايتا كەتەيىك، بۇگىنگى كۇنگى زاڭ تالابىندا مۇنداي نورما جوق. سونىمەن قاتار، ەندى اكتيۆتەردى قايتارۋمەن اينالىساتىن ورگانعا سالىق تولەۋشىنىڭ قۇپيا دەرەكتەرى دە ۇسىنىلادى.
«سالىق ورگاندارى سالىق قۇپياسىن قۇرايتىن سالىق تولەۋشى (سالىق اگەنتى) تۋرالى مالىمەتتەردى سالىق تولەۋشىنىڭ (سالىق اگەنتىنىڭ) جازباشا رۇقساتىن الماي «زاڭسىز الىنعان اكتيۆتەردى مەملەكەتكە قايتارۋ تۋرالى» ق ر زاڭىنا سايكەس، اكتيۆتەردى قايتارۋ جونىندەگى ۋاكىلەتتى ورگانعا تابىس ەتەدى»، - دەپ جازىلعان دەپۋتاتتار باستاماسىمەن قولعا الىنىپ، وزگەرىس ەنگىزىلگەلى وتىرعان قۇجاتتا.