رينات زايىتوۆ: يندۋستريا مينيسترلىگى ۇشاققا ۇلتتىق اسپاپتاردى كىرگىزۋ ماسەلەسىن شەشىپ بەرۋى كەرەك

None
استانا. قازاقپارات - ءماجىلىس دەپۋتاتى رينات زايىتوۆ ۇشاقتارعا ۇلتتىق اسپاپتاردى كىرگىزبەۋگە قاتىستى اۋە كومپانيالارىنىڭ ارەكەتىن سىنعا الدى، دەپ حابارلايدى قازاقپارات ءتىلشىسى.

«يندۋستريا جانە ينفراقۇرىلىمدىق دامۋ مينيسترلىگىنە قاتىستى قويىلاتىن سۇراق بار. ازامات ءومىرزاق ۇلى (ۆيتسە- مينيستر)، بۇل تاقىرىپ قازىر الەۋمەتتىك جەلىلەلەردە كوتەرىلىپ جاتىر. قازىر اۋە كومپانيالارىندا قازاقتىڭ ۇلتتىق اسپاپتارىنا قارسىلىعى جوسپارلانعانداي ءجۇرىپ جاتقان سياقتى. دومبىرا تەك اعاشتان جاسالاتىن اسپاپ، قۇرامىندا مەتالل جوق. ياعني ەشقانداي زيانى جوق اسپاپ. بۇل ماسەلە بويىنشا اۋە كومپانيالارىنا دۇعاي- دۇعاي سالەم ايتىڭىز. وسى ماسەلەنى شەشىپ بەرىڭىزدەر. قازاقتىڭ ۇلتتىق اسپاپتارىن ۇشاققا كىرگىزۋگە رۇقسات بەرىلسىن. ياعني، قولدارىڭىزدان كەلمەسە، بۇل رۇقساتتى الماسا، وندا الماتى مەن استانانىڭ اۋەجايىنا كەمىندە مىڭ دومبىراشىنى قويىپ، «اداي» كۇيىن ويناتىپ، جالىنىپ سۇرايىق»، - دەدى ر. زايىتوۆ ماجىلىستە ءوتىپ جاتقان ۇكىمەت ساعاتىندا.

ەسكە سالساق، جاقىندا ايتىسكەر اقىن ايشولپان تىلەۋتاي Fly Arystan ۇشاعىنا دومبىراسىن الىپ كىرۋگە رۇقسات بەرىلمەگەنىن الەۋمەتتىك جەلىدەگى پاراقشاسىندا جازعان بولاتىن.


سوڭعى جاڭالىقتار