قازاقستاننىڭ شەكارالاس اۋداندارىنىڭ دامۋ دەڭگەيى قىتايمەن سالىستىرعاندا ارتتا قالىپ وتىر

استانا. قازاقپارات - قازاقستاننىڭ قىتايمەن شەكارالاس اۋداندارى ولاردىڭ الەۋمەتتىك- ەكونوميكالىق دامۋ دەڭگەيىنەن ەداۋىر ارتتا قالىپ وتىر، دەپ حابارلايدى قازاقپارات ءتىلشىسى.

«قازىرگى ۋاقىتتا 14 وبلىس رەسەي فەدەراتسياسىمەن، قىتاي حالىق رەسپۋبليكاسىمەن، وزبەكستان، قىرعىزستان جانە تۇرىكمەنستان اۋماقتارىمەن شەكتەسەدى. شەكارا ماڭىنداعى اۋماقتاردا حالىق سانى 3,4 ميلليون ادام بولاتىن 65 اۋدان ورنالاسقان. تىكەلەي شەكارا ماڭى بەلدەۋىندە مەملەكەتتىك شەكارادان 50 ك م دەيىنگى قاشىقتىقتا 1,7 ميلليون ادام تۇراتىن 1283 شەكارا ماڭى اۋىلدىق ەلدى مەكەن ورنالاسقان.1283 شەكارا ماڭىنداعى اۋىلدىق ەلدى مەكەننىڭ 213- ءى تىرەكتى، 518 - سپۋتنيكتىك، 216 - ستراتەگيالىق جانە 336 وزگە ەلدى مەكەن. بۇدان باسقا، شەكارا ماڭىنداعى ايماقتاردا 220,7 مىڭ حالقى بار.

قازاقستاننىڭ شەكارالاس وڭىرلەرى، شەكارالاس مەملەكەتتەردىڭ ايماقتارىمەن سالىستىرعاندا دامۋى ءارتۇرلى دەڭگەيدە» ، - دەلىنگەن اشىق ن ق ا پورتالىندا جاريالانعان اۋىلدىق اۋماقتارىن دامىتۋدىڭ 2023-2027 -جىلدارعا ارنالعان تۇجىرىمداماسىندا.

قۇجاتتا جازىلعانداي، ەلىمىزدىڭ قىرعىزستان جانە وزبەكستانمەن شەكارالاس وڭىرلەرىندەگى دامۋ كورسەتكىشتەرى كورشى ەلدەردىڭ ايماقتارىمەن ءبىر دەڭگەيدە، كەيىبىرى جوعارى.

«قازاقستاننىڭ رەسەي فەدەراتسياسىنىڭ ىرگەلەس ايماقتارىمەن شەكتەسەتىن ايماقتارىندا دا ءبىر دەڭگەيدە ءومىر ءسۇرۋ دەڭگەيىنە يە نەمەسە حالىقتىڭ كىرىسى مەن الەۋمەتتىك ينفراقۇرىلىممەن قامتاماسىز ەتىلۋ كورسەتكىشتەرىنەن تومەن. قازاقستاننىڭ ق ح ر- مەن شەكارالاس اۋداندارى ولاردىڭ الەۋمەتتىك- ەكونوميكالىق دامۋ دەڭگەيىنەن ەداۋىر ارتتا قالىپ وتىر. مۇنداي شەكارالاس اۋداندارداعى دەموگرافيالىق جاعداي حالىق سانىنىڭ ازايۋىمەن، ياعني تابيعي ءوسۋدىڭ تەرىس كورسەتكىشتەرىمەن جانە كوشى- قون اعىنىمەن سيپاتتالادى»، - دەپ كورسەتىلگەن قۇجاتتا.

تۇجىرىمداما دەرەكتەرىنە ساي، قىتايمەن شەكارالاس اۋداندارداعى حالىقتىڭ تىعىزدىعى ەل بويىنشا ورتاشا دەڭگەيدەن تومەن جانە ءبىر شارشى شاقىرىمعا شاققاندا ورتا ەسەپپەن 5,2 ادامدى قۇرايدى. ال جالپى ەل بويىنشا ءبىر شاقىرىمعا 7 ادامنان كەلەدى.

«كەيبىر شالعايداعى شەكارالىق اۋدانداردا بۇل كورسەتكىش ءبىر شارشى مەترگە 0,6 ادامدى قۇرايدى. قىتايمەن شەكارالاس اۋداندار اۋماعىنىڭ دەپوپۋلياتسياسىنىڭ باستى سەبەپتەرىنىڭ ءبىرى 1997 -جىلى جەكەلەگەن شەكارا ماڭى اۋداندارىنىڭ (نارىنقول، كاتونقاراعاي، مارقاكول، تارباعاتاي، ماقانشى) جويىلۋى جانە اۋدان ورتالىقتارىنىڭ ەل اۋماعىنا ىشكى، مەملەكەتتىك شەكارادان الىس كوشۋى بولىپ تابىلادى»، - دەپ ماسەلەنىڭ سەبەبى جازىلعان تۇجىرىمداما جوباسىندا.

بۇعان دەيىن حابارلاعانىمىزداي، الداعى ءۇش جىلدا اۋىلداردى دامىتۋعا بيۋدجەتتەن 326 ميلليارد تەڭگە ءبولىندى.

اۆتور:

ءاليحان اسقار