پرەزيدەنت استانا حالىقارالىق فورۋمىنا قاتىسادى

استانا. قازاقپارات - اقوردانىڭ رەسمي سايتى مەملەكەت باسشىسىنىڭ قاتىسۋمەن وتەتىن ءىس- شارالار اڭداتپاسىن جاريالادى، دەپ حابارلايدى قازاقپارات.

پرەزيدەنت قاسىم- جومارت توقايەۆ 5 -ماۋسىم كۇنى ەلوردادا مەملەكەتتىك تۋدى كوتەرۋ راسىمىنە قاتىسادى.

سالتاناتتى ءراسىم بارىسىندا مەملەكەت باسشىسى - قازاقستان قارۋلى كۇشتەرىنىڭ جوعارعى باس قولباسشىسى جوعارى اسكەري وقۋ ورنىنىڭ ۇزدىك تۇلەكتەرىنە وفيتسەرلىك شەن تاپسىرادى.

8- ماۋسىمدا مەملەكەت باسشىسى استانا حالىقارالىق فورۋمىنىڭ پلەنارلىق وتىرىسىندا ءسوز سويلەيدى.

«ديالوگ ارقىلى سىن- قاتەرلەردى ەڭسەرۋ: ىنتىماقتاستىق، وركەندەۋ جانە پروگرەسس جولىندا» اتتى فورۋمعا قاتىسۋشىلار كليماتتىڭ وزگەرۋى، ازىق- تۇلىك تاپشىلىعى، ەنەرگەتيكالىق قاۋىپسىزدىك جانە باسقا دا ماسەلەلەردى تالقىلايدى.

مارتەبەلى قوناقتاردىڭ قاتارىندا قاتار ءامىرى شەيح ءتاميم بەن حاماد ءال تاني، قىرعىزستان پرەزيدەنتى سادىر جاپاروۆ، بوسنيا جانە گەرتسەگوۆينا پرەزيديۋمىنىڭ ءتوراعاسى جەلكا سۆيانوۆيچ، حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا، يۋنەسكو باس ديرەكتورى ودرە ازۋلە، ب ۇ ۇ باس حاتشىسىنىڭ ورىنباسارى، ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ (ەسكاتو) اتقارۋشى حاتشىسى ارميدا اليسدجابانا، وزبەكستان پرەمەر- ءمينيسترى ابدۋللا اريپوۆ جانە تاعى باسقالارى بار.

سونىمەن قاتار پرەزيدەنت قاسىم- جومارت توقايەۆ فورۋم اياسىندا ءبىرقاتار ەكىجاقتى كەزدەسۋ وتكىزەدى.