تايلاند اۋرۋحاناسىندا ەس-ءتۇسسىز جاتقان قازاقستاندىق تۋريست كوز جۇمدى

استانا. قازاقپارات - تايلاندتا كومادا جاتقان قازاقستاندىق قايتىس بولدى. بۇل جايىندا ونىڭ اپكەسى ءمالىم ەتتى، دەپ حابارلايدى قازاقپارات.

ايلانا اۋاري اتالمىش جاعدايدى Facebook پاراقشاسىندا جەتكىزدى.

«ارتۋر ەندى جوق» دەپ جازدى ول.

ەسكە سالا كەتەيىك، كەشە تايلاندتا كومادا جاتقان وتانداسىمىزدىڭ جاعدايى اۋىر ەكەنىن حابارلاعان بولاتىنبىز.

جەرگىلىكتى بيلىكتىڭ ەسكەرتۋىنە جانە تىيىم سالۋىنا قاراماستان ارتۋر ىسقاقوۆ تەڭىزگە ءتۇسىپ، كوپ سۋ جۇتىپ قويعان.

سوڭعى كۇندەرى پحۋكەتتە قاتتى تولقىن كوتەرىلىپ، جاعالاۋعا قىزىل جالاۋلار شىعارىلعان.

قازاقستاندىقتىڭ دەنەسىن سۋدان شىعارعاننان كەيىن قۇتقارۋشىلار وعان رەانيماتسيالىق ءىس- ارەكەتتەر جاساپ، دارىگەرلەرگە تاپسىردى.

جىگىتتىڭ اتا- اناسى پحۋكەتكە ۇشىپ كەلىپ، ديپلوماتتارمەن بىرگە دارىگەرلەرمەن كەلىسسوز جۇرگىزىپ جاتقان ەدى.

«تايلاندتا دەمالىپ جاتقان ق ر ازاماتتارىن جەرگىلىكتى بيلىك ورگاندارىنىڭ تالاپتارىن ساقتاۋعا شاقىرامىز جانە مەتەورولوگيالىق شەكتەۋ كەزىندە تەڭىزگە تۇسپەۋ كەرەكتىگىن ەسكە سالامىز. وكىنىشكە قاراي، بۇل - سوڭعى اپتادا تايلاندتا وتانداستارىمىزعا بولعان ەكىنشى وقيعا» دەپ ەسكەرتەدى قازاقستاننىڭ سىرتقى ىستەر مينيسترلىگى.