قاتار ءامىرى استانا حالىقارالىق فورۋمىنا قاتىسادى

None
Фото: aa.com.tr
استانا. قازاقپارات - قاتار مەملەكەتىنىڭ ءامىرى شەيح تاميم بين حاماد ءال تاني استانا حالىقارالىق فورۋمىنىڭ جۇمىسىنا قاتىسادى، دەپ حابارلايدى قازاقپارات ۇيىمداستىرۋ كوميتەتىنە سىلتەمە جاساپ.

امىرلىك - قازاقستاننىڭ اراب الەمىندەگى ماڭىزدى ەكونوميكالىق سەرىكتەسى.

سوڭعى جىلدارى ەكى مەملەكەت اراسىنداعى ىنتىماقتاستىق جاڭا دەڭگەيگە كوتەرىلدى. ەكى ەلدىڭ باسشىلارى اراسىنداعى ءجيى كەزدەسۋلەر - وسىنىڭ دالەلى.

قازاقستان پرەزيدەنتى 2022 -جىلعى ماۋسىمدا دوحاعا ساپارمەن باردى، ال قاتار ءامىرى قازان ايىندا استاناعا مەملەكەتتىك ساپارمەن كەلدى.

ەكى ەل اراسىنداعى قالىپتاسقان تىعىز بايلانىس ساۋدا- ەكونوميكالىق قاتىناستارىمىزدىڭ دامۋىنا جاعىمدى اسەر ەتۋدە.

ماسەلەن، اعىمداعى جىلدىڭ ءبىرىنشى توقسانىندا عانا ەكىجاقتى تاۋار اينالىمىنىڭ كولەمى 17,7 ەسە، ال 2022 -جىلدىڭ قورىتىندىسى بويىنشا رەسپۋبليكاعا قاتارلىق ينۆەستيتسيا كولەمى ءۇش ەسە ءوستى.

2005 جانە 2022 -جىلدار اراسىندا قازاقستانعا قاتار ەلىنەن سالىنعان ينۆەستيتسيا كولەمى - $56,6 ميلليون.

ونىڭ $13,1 ميلليون 2022 -جىلى تارتىلدى، بۇل 2021 -جىلعى كورسەتكىشكە قاراعاندا 3 ەسە كوپ.

سونداي- اق، قازاقستان پرەمەر- ءمينيسترى ا. سمايىلوۆ 22-24 -مامىردا قاتار ەكونوميكالىق فورۋمىنىڭ جۇمىسىنا قاتىستى.

ءىس- شارا الاڭىندا ول قاتار امىرىمەن جانە پرەمەر- ءمينيسترى - سىرتقى ىستەر مينيسترىمەن كەزدەسۋ وتكىزدى، وندا تاراپتار ەكىجاقتى ىنتىماقتاستىقتىڭ بارلىق سپەكترى بويىنشا ءتيىمدى ءوزارا ءىس- قيمىلدى نىعايتۋعا جانە ونى ستراتەگيالىق ارىپتەستىك دەڭگەيىنە جەتكىزۋگە تاعى دا دايىن ەكەندىكتەرىن ءبىلدىردى.

قازىرگى تاڭدا استانادا 2022 -جىلعى 12 -قازاندا قول قويىلعان قازاقستان رەسپۋبليكاسى مەن قاتار مەملەكەتى اراسىندا ينۆەستيتسيانى ءوزارا كوتەرمەلەۋ جانە قورعاۋ شارتى قولدانىستا.

ەلدەر بىرلەسكەن ينۆەستيتسيالىق قور قۇرۋ جانە ساۋدا اينالىمىنىڭ كولەمىن ۇلعايتۋدى جوسپارلاپ وتىر.

سوڭعى جاڭالىقتار