كاسپي تەڭىزىندە قازاقستان تۋىمەن كاتەر ءجۇردى

استانا. قازاقپارات - ەلىمىزدىڭ مەملەكەتتىك رامىزدەر كۇنىنە وراي كاسپي تەڭىزىندە قازاقستان تۋىمەن كاتەر ءجۇردى، دەپ حابارلايدى قازاقپارات ءتىلشىسى.

«بۇل ۆيدەو وتانداستارىمىزدىڭ وتانسۇيگىشتىك دەڭگەيىن كورسەتتى. تەڭىزدە ساياحاتتا قىزمەتىن كورسەتەتىن كاسىپكەر ءوزى باستاما جاساپ، قازاقستاننڭ مەملەكەتتىك راسىمدەر كۇنىن مەرەكەلەۋ قۇرمەتىنە وراي وسىنداي اكسيا ۇيىمداستىردى»، - دەپ اتاپ ءوتتى ماڭعىستاۋ وبلىسى اكىمدىگىنىڭ باسپا ءسوز قىزمەتىنەن.

ايتا كەتەيىك، بۇگىن مەملەكەتتىگىمىزدىڭ سيمۆولدارىنىڭ قابىلدانعانىنا 31 جىل تولىپ وتىر. 2007 -جىلى 4 -ماۋسىمدا قابىلدانعان «قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋتسيالىق زاڭعا سايكەس جىل سايىن 4 -ماۋسىم قازاقستان رەسپۋبليكاسىندا مەملەكەتتىك رامىزدەر كۇنى رەتىندە مەرەكەلەنەدى.

اۆتور:

مارلان جيەمباي