قازاقستاندا ماملۇك كەزەڭىندەگى يسلام مادەنيەتىنىڭ كورمەسى وتەدى
ايتا كەتەرلىگى، بۇگىن، 4 -ماۋسىمدا قازاقستاندىق ونەر شەبەرلەرىنىڭ، ارتىستەردىڭ قاتىسۋىمەن گالا- كونسەرت جانە ەگيپەتتەگى قازاقستاننىڭ مادەنيەت كۇندەرىنە ارنالعان قولدانبالى ونەر كورمەسى وتەدى.
سونداي- اق، وسى ساپار اياسىندا قازاقستان مەن مىسىر ەلىنىڭ رەسمي ورگاندارى اراسىندا بيىلعى قاراشادا ۇكىمەتارالىق كوميسسيانىڭ VI وتىرىسىن وتكىزۋ جايى تالقىلاندى.
قازاقستانداعى ەگيپەتتىڭ ەلشىسى مانال ەلشينناۆي حانىم ءوز كەزەگىندە ق ر ۇلتتىق مۋزەيىندە ماملۇك كەزەڭىندەگى يسلام مادەنيەتىنىڭ كورمەسىن وتكىزۋ نيەتى تۋرالى مالىمدەگەن. مىسىر تاراپى ءىس- شارانى بيىل ۇيىمداستىرۋدى جوسپارلاپ وتىر. مادەنيەت جانە سپورت ءمينيسترى اسحات ورالوۆ بۇل باستامانى ىسكە اسىرۋعا جاردەمدەسۋگە دايىن ەكەنىن ءبىلدىردى.
«قازاقستاننىڭ مىسىرداعى مادەنيەت كۇندەرى- ەلىمىزدىڭ مادەنيەت جانە ونەر سالاسىنىڭ قىزمەتكەرلەرى ءۇشىن ءوز تالانتتارىن كورسەتۋگە بەرىلگەن ۇلكەن مۇمكىندىك. سونداي- اق، ەلدەرىمىز اراسىنداعى تىكەلەي رەيستەر سانىن ارتتىرۋ بويىنشا ءىس- شارالاردى پىسىقتاۋدى ۇسىنامىن. قازاقستاندا مىسىردان كەلگەن قوناقتارعا، ونىڭ ىشىندە ەلىمىزدىڭ تۋريستىك سەكتورىنداعى ينۆەستيتسيالىق جوبالار بويىنشا ۇسىناتىن دۇنيەلەر بارشىلىق»، - دەدى مادەنيەت جانە سپورت ءمينيسترى.
«مىسىر- قازاقستاندىق تۋريستەر اراسىندا ەڭ تانىمال ءۇشىنشى باعىت، جانە ءبىزدىڭ ەلىمىز قازاقستانمەن ءوزارا 14 كۇندىك ۆيزاسىز رەجيمدى ەنگىزۋگە مۇددەلى. بۇل ءىس- شارا ەكى باعىتتا دا تۋريستەر اعىنىن ارتتىرۋى مۇمكىن»، - دەپ اتاپ ءوتتى مانال ەلشينناۆي.