نيۋ- يوركتىڭ الەمگە تانىمال ەكرانىندا ديماشتىڭ ۆيدەوروليكتەرى كورسەتىلىپ جاتىر

استانا. قازاقپارات - نيۋ- يورك تايمس- سكۆەرىندەگى ەڭ ۇلكەن ءارى الەمگە تانىمال LED- ەكراننىڭ بىرىندە كەشەدەن بەرى ديماش قۇدايبەرگەننىڭ تاياۋدا جارىق كورگەن «Omir» مۋزىكالىق كليپىن جانە ونىڭ الداعى ۋاقىتتا مالايزيادا وتەتىن جەكە كونسەرتىن قولداۋعا ارنالعان ۆيدەوروليكتەر كورسەتىلىپ جاتىر، دەپ حابارلايدى قازاقپارات ءتىلشىسى.

Dimashnews.com. سايتىنىڭ مالىمەتىنشە، ءۇش ۆيدەوروليك ترانسلاتسياسىن قازاق ءانشىسىنىڭ رەسمي فان- كلۋبى ۇيىمداستىرعان. ۆيدەوروليكتەر تاۋلىك بويى ءار 20 مينۋت سايىن LED- ەكراندا كورسەتىلەدى.

ەستەرىڭىزگە سالا كەتسەك، ديماش قۇدايبەرگەننىڭ مالايزيا استاناسى كۋالا- لۋمپۋردەگى ءبىرىنشى جەكە كونسەرتى 24 -ماۋسىم كۇنى وتەدى.

بۇعان دەيىن ديماش قۇدايبەرگەن «Omir» دەپ اتالاتىن جاڭا مۋزىكالىق كليپىن ۇسىنعان بولاتىن. ءانشى ونەر تۋىندىسىن جانكۇيەرلەرىنە ارنادى.

اۆتور:

مارلان جيەمباي