ۇلى تۇرىك ەلى مەن تاريحىنىڭ الدىندا انت ەتەمىن - ەردوعان
ءبىر ساعات بۇرىن ەلدىڭ 13-پرەزيدەنتى رەدجەپ تايپ ەردوعاندى بەشتەپە رەزيدەنسياسىندا «ۇلىقتاۋ ءراسىمى» باستالدى. وعان الەمنىڭ 78 ەلىنەن جوعارعى لاۋازىمدى تۇلعالار كەلگەن. ونىڭ 21- ءى پرەزيدەنت، 13- ءى ۇكىمەت باسشىسى، مينيسترلەر، ناتو، يسلام ىنتىماقتاستىق ۇيىمى وكىلدەرى، باستىسى تۇركى مەملەكەتتەرى ۇيىمىنا مۇشە مەملەكەتتەردىڭ باسشىلارى تۇگەل توبە كورسەتتى. كەلەلى راسىمگە مەملەكەت باسشىسى قاسىم- جومارت توقايەۆ تا كەلدى.
ەسكە سالا كەتەيىك، تۇركى تىلدەس مەملەكەتتەردىڭ باسشىلارى سوڭعى رەت جەر سىلكىنىسىنەن كەيىن كەزەكتەن تىس سامميتتە، وسىدان بىرەر اي بۇرىن انكارادا باس قوسقان ەدى. پرەزيدەنت سايلاۋىندا 27 ميلليون 834 مىڭ 589 داۋىسپەن جەڭىسكە جەتكەن ەردوعان «پرەزيدەنتتىك قۇجاتىن» تۇركيا ۇلى ۇلتتىق ءماجىلىسىنىڭ ۋاقىتشا ءتوراعاسى ديەۆلەت باحچەليدەن الدى. ەردوعان انت بەرۋ راسىمىندە «تۇركيا عاسىرىنىڭ» رەسمي تۇردە باستالعانىن مالىمدەدى.
ايتا كەتەيىك، ەردوعان سوڭعى 30 جىلدا باق سىناسقان 17 ساياسي دودانى جەڭىسپەن اياقتاعان. ونىڭ ۇشەۋى پرەزيدەنت سايلاۋى.
رەدجەپ تايپ ەردوعان، تۇركيا پرەزيدەنتى:
- پرەزيدەنت رەتىندە مەملەكەتتى جانە ونىڭ تاۋەلسىزدىگىن، وتان مەن ۇلتتىڭ بولىنبەس تۇتاستىعىن، ۇلتتىڭ ەگەمەندىگىن قورعايمىن؛ ۇلى تۇرىك ەلى مەن تاريحىنىڭ الدىندا نامىسىم مەن ابىرويىما انت ەتەمىن. تۇركيا رەسپۋبليكاسى مەن ونىڭ نەگىزگى بوستاندىقتارى يدەالىنان باس تارتپايتىنىمدى، تۇركيا رەسپۋبليكاسىنىڭ داڭقى مەن ابىرويىن قورعاۋ جانە دارىپتەۋ جانە ءوز مىندەتىمدى بەيتاراپتىقپەن ورىنداۋ ءۇشىن بار كۇش- جىگەرىمدى جۇمسايمىن.
ۇلىقتاۋ راسىمىنەن بۇرىن ەردوعان اتاتۇرىكتىڭ جاتقان جەرى انىتكابيردى زيارات ەتىپ، ۇلت كوسەمىنىڭ رۋحىنا باس يگەن ەدى. الداعى بەس جىلدا ەلدى باسقاراتىن پرەزيدەنتتى اتتى اسكەريلەر قارسى الدى. اسكەري شەرۋ بارىسىندا 101 رەت زەڭبىرەك اتىلدى. بيىل تۇركيا رەسپۋبليكاسىنىڭ قۇرىلعانىنا 100 جىل. 101 ەردوعان جاڭا كەزەڭنىڭ باستالعانىن مەڭزەسە كەرەك. ۇلىقتاۋ راسىمىنەن كەيىن پرەزيدەنت ەردوعان جەرگىلكتى ۋاقىتپەن ساعات 20:00-دە چانكايا سارايىندا شەتەلدىك قوناقتارىنىڭ قۇرمەتىنە كەشكى اس بەرەدى. مۇنان كەيىن پرەزيدەنت ەردوعان جاڭا كابينەت مۇشەلەرىن تاعايىندايدى.
www.24.kz