بريتان عالىمدارى قان تالداۋى ارقىلى قاتەرلى ىسىكتى انىقتاۋدىڭ جاڭا ءادىسىن ويلاپ تاپتى

استانا. قازاقپارات - بريتان جانە امەريكالىق ءبىر توپ عالىم قان تالداۋى ارقىلى قاتەرلى ىسىك دياگنوستيكاسى ءادىسىنىڭ سىناعى جاقسى ناتيجە كورسەتكەنىن مالىمدەدى، دەپ حابارلايدى قازاقپارات.

جاڭا زەرتتەۋ 2020 -جىلدىڭ كوكتەمىندە جاريالاندى.

عالىمدار قاراپايىم قان تالداۋى ارقىلى ونكولوگيالىق اۋرۋلاردىڭ 50-دەن استام ءتۇرلى بەلگىلەرى پايدا بولعانعا دەيىن ولاردى ەرتە ساتىدا انىقتاۋدى ويلاستىرىپ وتىر.

اۋقىمدى سىناق 2021 -جىلى ۇلى بريتانيا مەن ا ق ش- تا باستالدى.

«گالەرەيا» دەپ اتالاتىن تەست مەحانيزمى گەنەتيكالىق كود، ياعني د ن ق- دا ىسىكتەن قانعا تۇسەتىن حيميالىق وزگەرىستەردىڭ بەلگىلەرىن ىزدەيدى.

عالىمدار ادىستەمە بويىنشا جۇمىس ازىرگە اياقتالماعانىن، ءبىراق سىناقتىڭ ءبىرىنشى كەزەڭىنەن كەيىن اۋىر دەرتتەن قۇتىلعان ناۋقاستار سانى ارتادى دەپ ايتۋعا بولاتىنىن اتاپ ءوتتى.

سىناق اسىرەسە باس جانە مويىن، ىشەك، وكپە، ۇيقى بەزى جانە تاماقتاعى قاتەرلى ىسىكتى انىقتاۋدا ءتيىمدى.

ۇلى بريتانيانىڭ NHS دەنساۋلىق ساقتاۋ جۇيەسى ءادىستى 2024-2025 -جىلدارى تاعى ءبىر ميلليون ادامعا سىناپ كورۋدى جوسپارلاپ وتىر.

«قاتەرلى ىسىكتى ەرتە انىقتاۋ وتە ماڭىزدى. بۇل سىناق بىزگە قاتەرلى ىسىك اۋرۋلارىن ەرتەرەك انىقتاۋعا جانە مىڭداعان ادامنىڭ ءومىرىن ساقتاپ قالۋعا كومەكتەسەدى»، - دەيدى NHS ونكولوگيا دەپارتامەنتىنىڭ باسشىسى، پروفەسسور پيتەر دجونسون.

ءادىستى ازىرلەپ، زەرتتەگەن - دانا- فاربەر ونكولوگيا ينستيتۋتى مەن گارۆارد مەديتسينا مەكتەبىنىڭ امەريكالىق عالىمدار توبى جانە فرەنسيس كريك ينستيتۋتى، لوندون ۋنيۆەرسيتەتتىك كوللەدجىنىڭ عالىمدارى.

زەرتتەۋ ناتيجەسى وكسفورد ۋنيۆەرسيتەتىنىڭАnnals of Oncology اكادەميالىق جۋرنالىندا جاريالانعان.

جوبانى كرەمنيي القابىنداعى ستارتاپ Grail قارجىلاندىرىپ جاتىر، ونىڭ ينۆەستورلارى اراسىندا Amazon نەگىزىن قالاۋشى دجەفف بەزوس بار.