پوليتسيا «التىن وردا» بازارى ديرەكتورى ورىنباسارىنىڭ ۇستالۋى تۋرالى تۇسىنىكتەمە بەردى

None
الماتى. قازاقپارات - پوليتسيادا «التىن وردا» بازارى ديرەكتورىنىڭ ورىنباسارى ۇستالعانى تۋرالى بۇرىن جەلىدە تاراتىلعان اقپاراتقا قاتىستى تۇسىنىكتەمە بەردى، دەپ حابارلايدى قازاقپارات Polisia.kz-كە سىلتەمە جاساپ.

«الماتى وبلىسى قاراساي اۋدانىنىڭ پوليتسيا قىزمەتكەرلەرى الماتى- بىشكەك تاسجولىندا «BMW» ماركالى اۆتوكولىكتى توقتاتتى. كولىكتى ءتىنتۋ بارىسىندا ءبىر جولاۋشىدان ەرەكشە ءيىسى بار اق ۇنتاق زات، باسقا جولاۋشىدان م ك-471 س تراۆماتيكالىق تاپانشا انىقتالىپ، تاركىلەندى. سوت- حيميالىق ساراپتاما تاعايىندالىپ، تەرگەۋ ارەكەتتەرى جۇرگىزىلەدى. اتالعان فاكتىلەر ق ر قىلمىستىق كودەكسىنىڭ 287-بابىنىڭ 3-بولىگى جانە 296-بابىنىڭ 4-بولىگى بويىنشا تىركەلدى»، - دەپ حابارلادى الماتى وبلىسىنىڭ پوليتسيا دەپارتامەنتىنەن.

بۇعان دەيىن جەلىدە 2 -ماۋسىمدا «BMW» ماركالى اۆتوكولىك مىنگەن قارۋلى ادامدار ۇستالعانى تۋرالى اقپارات پايدا بولعان ەدى. اقپارات بويىنشا، ولاردىڭ اراسىندا «التىن وردا» بازارى ديرەكتورىنىڭ ورىنباسارى بولدى. الەۋمەتتىك جەلىلەردە ءتىپتى ولار ۇستالعان كادرلار بار بەينەروليك تاراعان.


سوڭعى جاڭالىقتار