پارلامەنتتە «ءبىر ەل - ءبىر مۇددە» اتالاتىن دەپۋتاتتىق توپ قۇرىلدى
ەلىمىزدىڭ پرەزيدەنتى قازاقستان حالقى اسسامبلەياسىنىڭ XXXII سەسسياسىندا «ءبىر ەل - ءبىر مۇددە» دەپۋتاتتىق توبىن قۇرۋ تۋرالى باستاما كوتەرگەن بولاتىن. مەملەكەت باسشىسى قاسىم- جومارت توقايەۆ پارتيالاردى ۇلتتىق بىرلىكتى نىعايتۋ ماسەلەسىنە بەلسەندى تارتۋدا پارلامەنتتەگى دەپۋتاتتىق بىرلەستىك پارمەندى تەتىك بولۋى مۇمكىن ەكەنىن جانە اسسامبلەيادان سايلانعان بەس سەناتور ونىڭ نەگىزىن قۇراي الاتىنىن اتاپ وتكەن ەدى.
ەلىمىزدەگى قوعامدىق كەلىسىم مەن ۇلتتىق بىرلىك سالاسىنداعى مەملەكەتتىك ساياساتتى زاڭنامالىق تۇرعىدا قامتاماسىز ەتۋ ماسەلەسىن كەلىسۋ - توپتىڭ باستى مىندەتى بولىپ وتىر. جۇمىستىڭ بۇل ءتۇرى پارلامەنت پەن قازاقستان حالقى اسسامبلەياسىنىڭ ءوزارا ءتيىمدى ءىس- قيمىلىنا جانە ازاماتتىق قوعام ينستيتۋتتارى اراسىنداعى ەتنوسارالىق قاتىناستاردى ۇيلەستىرۋگە ىقپال ەتەتىن بولادى. توپتىڭ قۇرامىندا پارلامەنتتىڭ 30 دەپۋتاتى بار. دەپۋتاتتىق توپتىڭ جەتەكشىسى بولىپ سەناتتىڭ الەۋمەتتىك- مادەني دامۋ جانە عىلىم جونىندەگى كوميتەتىنىڭ ءتوراعاسى نۇرتورە ءجۇسىپ، ءماجىلىس دەپۋتاتى ناتاليا دەمەنتيەۆا حاتشىسى بولىپ سايلاندى.