11:30, 03 - ماۋسىم 2023 | GMT +6
قاسىم- جومارت توقايەۆ ءۇندىستان پرەمەر- ءمينيسترى نارەندرا موديگە كوڭىل ايتتى
استانا. قازاقپارات - مەملەكەت باسشىسى قاسىم- جومارت توقايەۆ پرەمەر- مينيستر نارەندرا موديگە جانە ءۇندىستان حالقىنا تەمىرجول اپاتى سالدارىنان بولعان قايعىلى وقيعاعا بايلانىستى كوڭىل ايتتى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
«وديشا شتاتى، بالاسور ەلدى مەكەنىندە بولعان تەمىرجول اپاتى سالدارىنان كوپتەگەن ادامنىڭ قازا تاپقانى تۋرالى سۋىت حاباردى كۇيزەلىسپەن قابىلدادىم. جاقىندارىنان ايىرىلعان وتباسىلاردىڭ اۋىر قايعىلارىنا ورتاقتاسىپ، قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. سونداي- اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. وسىنداي ازالى ساتتە ءۇندىستان حالقىمەن بىرگەمىز»، - دەپ جازىلعان جەدەلحاتتا.
وسىعان دەيىن ءۇندىستاندا بىرنەشە پويىز سوقتىعىسىپ، 288 ادام قازا تاپقانىن جازدىق.