پرەزيدەنت ەۋروپالىق ۋنيۆەرسيتەتتەردى قازاقستاندا فيليال اشۋعا شاقىردى
«وتكەن جىلى ەلىمىز ب ۇ ۇ ەلەكتروندى ۇكىمەتىنىڭ دامۋ يندەكسى بويىنشا 28-ورىن الدى. بۇل جاقسى كورسەتكىش. بىزدە الدىڭعى قاتارلى بانك ەكوجۇيەلەرى پايدا بولدى، قارجى تەحنولوگيالارى نارىعى مەن ەلەكتروندى كوممەرتسيا قارقىندى وسۋدە، مەملەكەتتىك باسقارۋ جۇيەسىنە تسيفرلىق شەشىمدەردى جان- جاقتى ەنگىزۋ ءجۇرىپ جاتىر»، - دەدى پرەزيدەنت «ورتالىق ازيا - ەۋروپالىق وداق» باسشىلارىنىڭ ەكىنشى كەزدەسۋىندە.
مەملەكەت باسشىسى بيىلعى ناۋرىز ايىندا Microsoft كومپانياسىنىڭ قازاقستاندا وزىق تەحنولوگيالاردى تارتۋ ورتالىعىنا اينالاتىن مۋلتي ايماقتىق حاب اشاتىنىن اتاپ ءوتتى.
«ءبىز 2025 -جىلعا قاراي كەمىندە 100 مىڭ جوعارى بىلىكتى IT مامان دايارلاۋ مىندەتىن قويدىق. سوندىقتان ەۋروپالىق ۋنيۆەرسيتەتتەردى قازاقستاندا، ونىڭ ىشىندە Astana Hub تەحنوپاركى بازاسىندا ماڭىزدى وڭىرلىك IT الاڭعا اينالاتىن فيليالداردى اشۋعا شاقىرامىن. جالپى، ءبىز سيفرلاندىرۋ سالاسىنداعى جۇمىسىمىزدى كەڭەيتۋدى جانە وڭىرلىك دەڭگەيدە ءوز تاجىريبەمىزدى ءبولىسۋدى جوسپارلاپ وتىرمىز»، - دەدى قاسىم- جومارت توقايەۆ.