قازاقستان بالمۇزداقتى تۇركيا مەن فرانسيادان ساتىپ الادى، ال ءوز ءونىمىن كورشىلەرىنە ەكسپورتتايدى

استانا. قازاقپارات - قازاقستاندا تۇرىك، فرانسۋز جانە شۆەيتساريالىق بالمۇزداق سۇرانىسقا يە، دەپ حابارلايدى قازاقپارات.

مەملەكەتتىك كىرىستەر كوميتەتى ءتاتتى دەسەرت - بالمۇزداققا بايلانىستى قىزىقتى فاكتىلەردى ءبولىستى.

قاڭتار- ءساۋىر ايلارىندا قازاقستان 910,8 مىڭ ا ق ش دوللارى سوماسىنا سالماعى 234,2 توننا بالمۇزداق ەكسپورتتادى.

ءۇشىنشى ەلدەردەن (ەاەو- عا كىرمەيتىن ەلدەر) 1852,9 مىڭ ا ق ش دوللارى سوماسىنا 432,8 توننا يمپورتتالدى.

سوڭعى 3 جىلدا بالمۇزداق ەكسپورتى 4832,3 مىڭ ا ق ش دوللارى سوماسىنا 1217,8 توننا بولدى (2020 -جىلى - 284,8 توننا، 2021 -جىلى - 367,9 توننا، 2022 -جىلى - 565,1 توننا)، يمپورت - 1686,6 توننا، سوماسى - 6453,2 مىڭ ا ق ش دوللارى (2020 -جىلى - 263,1 توننا، 2021 -جىلى - 215,2 توننا، 2022 -جىلى - 1208,3 توننا).

قازاقستاندىق بالمۇزداقتىڭ نەگىزگى ساتىپ الۋشىسى - وزبەكستان (2020 -جىلى - 221,6 توننا، سوماسى 872,3 مىڭ ا ق ش دوللار، 2021 -جىلى - 285,7 توننا، سوماسى 1052,5 مىڭ ا ق ش دوللارى، 2022 -جىلى - 400,7 توننا، سوماسى 1 580,5 مىڭ ا ق ش دوللار ).

سونداي- اق، وتاندىق بالمۇزداق موڭعولياعا، ازەربايجانعا، تۇرىكمەنستانعا جانە تاجىكستانعا جىبەرىلەدى.

ءبىراق ەلىمىزدە شەتەلدىك بالمۇزداققا سۇرانىس جوعارى.

فرانسيادان (2022 -جىلى - 168,7 توننا، سوماسى 815,2 مىڭ ا ق ش دوللار )، شۆەيتساريادان (2022 -جىلى - 77,2 توننا، سوماسى 630,3 مىڭ ا ق ش دوللار ) جانە تۇركيادان (2022 -جىلى - 911,5 توننا، سوماسى 2483,7 مىڭ ا ق ش دوللار) بالمۇزداق اكەلىندى، سونداي- اق يمپورتتاۋشىلار قاتارىندا ۋكراينا، يسپانيا، يتاليا، وڭتۇستىك كورەيا جانە بەلگيا بار.