قوعامدىق باقىلاۋ تۋرالى زاڭ: ەندى ازاماتتار مەملەكەتتىڭ ىسىنە تىكەلەي ارالاسا الادى
«كونستيتۋتسيا بويىنشا ازاماتتار پرەزيدەنت جانە دەپۋتاتتار ارقىلى مەملەكەتتىك باسقارۋ جونىندەگى ءوز قۇقىقتارىن رەتتەپ وتىرادى. ەندى قوعامدىق باقىلاۋ تۋرالى زاڭ بويىنشا ازاماتتار مەملەكەتتىڭ ىسىنە تىكەلەي ارالاسا الادى. بۇل دەموكراتيانىڭ مەحانيزمى. زاڭ قالاي ىسكە اسادى؟ مىسالى، ىشكى بيۋدجەت سالاسىندا، مەملەكەتتىك جانە كۆازيمەملەكەتتىك ورگانداردىڭ قىزمەتىندە پروبلەما كوپ. اسىرەسە وبلىستار مەن اۋداندار بيۋدجەتىنە قاتىستى. ياعني بيۋدجەت قالاي قالىپتاسادى، ونى كىم باقىلايدى دەگەن جايتتار. وسى ورايدا بەلسەندى ازاماتتار توپتاسىپ باستاما كوتەرىپ اۋدان بيۋدجەتىنىڭ اتقارىلۋ بارىسىن مەملەكەتتىك جانە قۇزىرلى ورگانداردىڭ قاتىسۋىمەن تەكسەرۋگە قۇقىلى بولماق»، - دەدى ەرلان سايىروۆ سۇحبات بارىسىندا.
حالىق قالاۋلىسىنىڭ تۇسىندىرۋىنشە، ازاماتتار مەملەكەتتىك ىستەرگە بەلسەندى قاتىسۋمەن قاتار، ماسەلەنى شەشۋگە قاتىستى يدەيا، ۇسىنىستارىن بىلدىرە الادى.
«حالىق مەملەكەت بيۋدجەتى ەسەبىنەن اتقارىلىپ جاتقان شارۋانىڭ ناتيجەسى مەن ونىڭ ساپاسىن ءبىلىپ وتىرۋ كەرەك»، - دەيدى دەپۋتات.