قازاقستاندىق فەرمەرلەر ەۋروپاعا ەكسپورتتى ۇلعايتۋعا دايىن - پرەزيدەنت

استانا. قازاقپارات - مەملەكەت باسشىسى قاسىم- جومارت توقايەۆ ورتالىق ازيا مەن ەۋروپالىق وداق ەلدەرى اراسىنداعى ستراتەگيالىق ماڭىزدى باعىتتاردى اتادى، دەپ حابارلايدى قازاقپارات.

«ورتاق مۇددەگە سۇيەنە وتىرىپ، ءوز پىكىرىمشە، قازاقستان ءۇشىن عانا ەمەس، ءوڭىردىڭ بۇكىل ەلدەرى ءۇشىن دە ستراتەگيالىق ماڭىزى بار باسىم باعىتتاردى ۇسىنعىم كەلەدى. سوڭعى جىلدارى ورتالىق ازيا ەلدەرىنىڭ ىشكى وڭىرلىك ەكونوميكالىق بايلانىستارى جاڭا ساپالى دەڭگەيگە ءوستى. وتكەن جىلدىڭ وزىندە قازاقستاننىڭ ءوڭىر ەلدەرىمەن تاۋار اينالىمى % 19 ارتىپ، 8 ميلليارد دوللاردى قۇرادى. جاقىن ارادا بۇل كورسەتكىشتى 15 ميللياردقا جەتكىزۋدى كوزدەپ وتىرمىز»، - دەدى مەملەكەت باسشىسى «ورتالىق ازيا - ەۋروپالىق وداق» باسشىلارىنىڭ ەكىنشى كەزدەسۋىندە.

قاسىم- جومارت توقايەۆ ەۋروپالىق وداق ەلدەرىمەن جالپى وڭىرلىك ساۋدا كولەمى دە قارقىندى ارتىپ جاتقانىن ايتتى.

وتكەن جىلدىڭ قورىتىندىسى بويىنشا بۇل كورسەتكىش % 60- دان اسا ارتىپ، 49 ميلليارد دوللارعا جەتكەن.

«ساۋدا نومەنكلاتۋراسىن كەڭەيتۋ جولىمەن ەكسپورتتى ۇلعايتۋ - باسىم مىندەت بولىپ وتىر. قازاقستان ە و ەلدەرىنە ماشينا جاساۋ، تەمىر جانە بولات ءوندىرىسى، تاماق ونەركاسىبى سياقتى سالالاردا 2,3 ميلليارد دوللارعا 175 شيكىزاتتىق ەمەس تاۋار پوزيتسياسى بويىنشا ءوز ەكسپورتىن ۇلعايتۋعا دايىن»، - دەدى پرەزيدەنت.

سونىمەن بىرگە، مەملەكەت باسشىسى اۋىل شارۋاشىلىعىندا دا ىنتىماقتاستىقتىڭ اۋقىمدى كەلەشەگى بار ەكەنىن جەتكىزدى.

ءبىزدىڭ ەلىمىز جىل سايىن 5 ميلليون توننا ءداندى داقىل مەن 1,5 ميلليون توننا ۇن ەكسپورتتايدى.

«وتكەن جىلى قازاقستان مەن ە و ەلدەرى اراسىندا ازىق- تۇلىك تاۋارلارى بويىنشا ءوزارا ساۋدا كولەمى % 35- عا ارتىپ، 1 ميلليارد دوللارعا جۋىقتادى. مۇنىمەن شەكتەلىپ قالمايمىز. قازىر ءبىزدىڭ فەرمەرلەر ءداندى جانە مايلى داقىلداردىڭ، باسقا دا ونىمدەردىڭ ەكسپورتىن ارتتىرۋعا دايىن. اگرارلىق سالاداعى ءوزارا الەۋەتتى پايدالانىپ، وڭىرلەرىمىزدىڭ ازىق- تۇلىك قاۋىپسىزدىگىن ايتارلىقتاي نىعايتا الامىز»، - دەدى پرەزيدەنت.

ب ۇ ۇ قامقورلىعىمەن اۋعان حالقىنا جان- جاقتى كومەك كورسەتۋدى ۇلعايتۋ قاجەت.

«قازاقستان ەۋروپالىق وداقتىڭ ءبىزدىڭ سىرتقى ساياسي باستامالارىمىزدى ىلگەرىلەتۋگە جانە اۋقىمدى دەموكراتيالىق قايتا قۇرۋدى ىسكە اسىرۋعا قولداۋىن جوعارى باعالايدى. ءبىز ءاردايىم ورتالىق ازيانىڭ بارلىق ايماقپەن جانە ەلدەرمەن جەمىستى ىنتىماقتاسا وتىرىپ، بەيبىتشىلىك پەن پروگرەستىڭ تارالۋ وشاعى بولۋىن قولدايمىز. ەۋروپالىق وداقپەن كوپقىرلى سەرىكتەستىگىمىزدىڭ تۇراقتى دامۋى وڭىردەگى قاۋىپسىزدىك پەن تۇراقتىلىققا، ونىڭ ىشىندە اۋعانستانداعى جاعدايعا دا تىكەلەي بايلانىستى»، - دەدى مەملەكەت باسشىسى.

قاسىم- جومارت توقايەۆ اۋعانستانداعى گۋمانيتارلىق داعدارىستىڭ الدىن الۋ ءۇشىن حالىقارالىق قاۋىمداستىقتىڭ كۇش- جىگەرىن قولداۋدى جالعاستىرۋ ماڭىزدى ەكەنىن باسا ايتتى.

«قازاقستان جاقىندا عانا كەزەكتى كومەك پاكەتى تۇرىندە اۋعانستان حالقىنا ازىق- تۇلىك تاۋارلارىن جىبەردى. ب ۇ ۇ قامقورلىعىمەن اۋعان حالقىنا جان- جاقتى كومەك كورسەتۋدى ۇلعايتۋ قاجەت. وسى تۇرعىدا الماتىدا ب ۇ ۇ- نىڭ ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى وڭىرلىك ورتالىعىن قۇرۋ جونىندەگى باستاما وزەكتى سانالادى»، - دەدى پرەزيدەنت.

ايتا كەتەيىك، پرەزيدەنت قاسىم- جومارت توقايەۆ ورتالىق ازيا مەملەكەتتەرى مەن ەۋروپالىق وداق باسشىلارىنىڭ ەكىنشى كەزدەسۋىنە قاتىسۋ ءۇشىن شولپان- اتا (قىرعىزستان) قالاسىنا جۇمىس ساپارىمەن باردى.