ەرلان سايىروۆ قىمباتشىلىق تۋرالى: حالىق مونشاعا ەكى اپتادا ءبىر رەت قانا بارىپ ءجۇر

None
استانا. قازاقپارات - Amanat پارتياسى فراكسياسىنىڭ حالىق تابىسىن ارتتىرۋ باعدارلاماسى تالقىلاعان جيىنىندا دەپۋتات ەرلان سايروۆ تۇرعىنداردىڭ ءال- اۋقاتىن جالپى ىشكى ونىممەن ولشەۋ ورىنسىز دەگەن پىكىر ايتتى، دەپ حابارلايدى قازاقپارات ءتىلشىسى.

«بۇل وتە ماڭىزدى ماسەلە. وسى وتە ماڭىزدى ماسەلەگە حالىق سەنۋ ءۇشىن ەڭ ءبىرىنشى ءبىزدىڭ ءسوزىمىز بەن اناۋ بازارداعى باعاسى سايكەس كەلۋى كەرەك. مەنىڭ ويىمشا، وسىنداي كەزدەسۋدىڭ الدىندا ۇكىمەت مۇشەلەرى مىندەتتى تۇردە بازارعا بارىپ شىعۋى كەرەك. بۇگىنگى تاڭدا قازاقستاننىڭ ىشكى جالپى ءونىمى 3,2 پايىز ءوستى دەپ ايتاسىزدار. ءبىراق قازاقستانداعى ينفلياتسيا 20 پايىز ءوستى عوي. كورشىلەرىمىز قىرعىزستاندا ينفلياتسيا 14 پايىز. وزبەكستاندا 12 پايىز، رەسەيدە 11 پايىز»، - دەدى ەرلان سايروۆ.

سونداي- اق، ول حالىقتىڭ تابىسى ازايعانىن مونشاعا بارۋىنان- اق بايقاۋعا بولاتىنىن ايتتى.

«مەن ءوزىم بازارعا «ارتەم» بازارى مەن «Small»- عا بارامىن. قۇرمەتتى ارىپتەستەر ادامدار كۇندە تۇتىناتىن نان، ماي، ماكارون، كۇرىش 80 پايىز ءوسىپ كەتتى عوي. وسىنى ءبىز نەگە ايتپايمىز؟ جىگىتتەر، مەن «كەرەمەت» دەگەن مونشاعا بارام. وسى كەزدە حالىق جەتىسىنە ءبىر ەمەس، ەكى جەتىدە ءبىر رەت مونشاعا باراتىن بولعان. ويتكەنى حالىقتىڭ تابىسى تومەندەپ كەتتى. ارىپتەستەر، ءبىز وسىنداي اڭگىمە ايتقاننىڭ ورنىنا بۇگىنگى يندكاتورلاردى وزگەرتۋ كەرەك. سىزدەردىڭ ينديكاتورلارىڭىز دۇرىس ەمەس. ىشكى جالپى ءونىم قازاقستان حالقىنىڭ ءال- اۋقاتىنىڭ ينديكاتورى بولا المايدى. نەگىزگى ينديكاتور - ءۇي شارۋشالىقتارىنىڭ تابىسى»، - دەدى دەپۋتات.

سوڭعى جاڭالىقتار