زاڭسىز يەمدەلگەن اكتيۆتەردى قايتارۋ زاڭى كىمدەردى تەكسەرۋگە مۇمكىندىك بەرەدى
«زاڭ جەكە جانە زاڭدى تۇلعالاردىڭ شەكتەۋلى توبىن قامتيدى. بۇل رەتتە جەكە تۇلعالارعا نەگىزسىز بايىعان ادامداردى جاتقىزۋ ۇسىنىلىپ جاتىر. ەڭ باستىسى، ول جاۋاپتى مەملەكەتتىك لاۋازىمدى اتقاراتىن ادامدارعا نەمەسە مەملەكەتتىك ۇيىمدا، كۆازيمەملەكەتتىك سەكتور سۋبەكتىسىندە باسقارۋ فۋنكتسيالارىن ورىندايتىن ادامدارعا قاتىستى، ونىڭ ىشىندە بۇرىن قاتىستى بولعان اكىمشىلىك بيلىك رەسۋرستارىنىڭ بولۋىنا دا بايلانىستى» ، - دەدى الما مۇقانوۆا.
ونىڭ ايتۋىنشا، مەملەكەتتىك لاۋازىمدا وتىرىپ زاڭسىز بايۋعا جول اشقان ادامدار وسى زاڭنىڭ قاھارىنا ىلىگۋى مۇمكىن.
«سونداي- اق، اكىمشىلىك بيلىك رەسۋرستارىنىڭ ناتيجەسىندە اكتيۆتەردى يەلەنۋ نە كاسىپكەرلىكتىڭ قولايلى باسەكەگە جاتپايتىن زاڭنامالىق جاعدايلارىن قالىپتاستىرۋعا ىقپال ەتكەن ازاماتتار دا وسى زاڭعا جاتقىزىلادى. اكتيۆتەردى قايتارۋ جونىندەگى شارالار تىزبەسى زاڭدا بەلگىلەنگەن. ولار ۇلەستەس تۇلعالارعا قولدانىلادى. مىسالى، جاقىن تۋىسقاندارى، وسى ادامداردىڭ نومينالدى مۇلكىنە يەلىك ەتەتىن ادامدار جانە باسقالار. وسىلايشا زاڭ جوباسى ءىرى سىبايلاس جەمقورلىققا جانە رەسپۋبليكالىق، جەرگىلىكتى دەڭگەيلەردەگى اكىمشىلىك بيلىك رەسۋرستارى سۋبەكتىلەرى بىرىكتىرىلگەن وليگوپوليالىق توپتارعا قارسى پارمەندى شارالار ەنگىزۋ ۇسىنىلىپ وتىر. زاڭ جوباسى نورمالارىنىڭ ءبىرى - اكىمشىلىك، قىلمىستىق جانە ازاماتتىق قۇقىق سالاسىنداعى حالىقارالىق ىنتىماقتاستىق تەتىكتەرىنە رگلامەنتتەۋ ارقىلى شەتەلدەگى اكتيۆتەردى قايتارۋ باعىتىندا جۇمىس جۇرگىزۋ ءۇشىن قاجەتتى قۇرالداردى قامتاماسىز ەتۋ. سونداي- اق زاڭ جوسىقسىز ساتىپ الۋشىلار مەن كرەديتورلاردى انىقتاۋدى، اكتيۆتەردى قايتارۋ جونىندەگى كوميسسيا ينستيتۋتىن، مەملەكەتتىك مۇددەلەردى الدىن الا قامتاماسىز ەتۋ مۇمكىندىگىن پروكۋرورلىق تالداۋدىڭ جانە تەكسەرۋدىڭ جاڭا تۇرلەرىن ەنگىزەدى»، - دەدى ۆيتسە- مينيستر.