قازاقستان ەۋروپامەن ءوزارا ءتيىمدى كووپەراتسيانى كەڭەيتۋ ءۇشىن مۇمكىندىكتەردىڭ بارلىق سپەكترىن ىسكە قوسۋعا دايىن - توقايەۆ

None
Фото: t.me/aqorda_resmi
شولپان- اتا. قازاقپارات - قازاقستان پرەزيدەنتى شولپان- اتا قالاسىندا ءوتىپ جاتقان «ورتالىق ازيا - ەۋروپالىق وداق» سامميتىندە ەۋروپامەن ىنتىماقتاستىق ماسەلەسىن ءسوز ەتتى، دەپ حابارلايدى قازاقپارات.

«بىلتىر قاراشا ايىندا ەۋروپالىق كوميسسيانىڭ پرەزيدەنتى ۋرسۋلا فون دەر ليايەنمەن بىرگە تۇراقتى شيكىزات، اككۋمۋلياتورلار جانە جاڭعىرتىلاتىن سۋتەكتىڭ قۇنىن جاساقتاۋ تىزبەگى بويىنشا ستراتەگيالىق سەرىكتەستىك تۋرالى مەموراندۋمعا قول قويدىق. ءبىزدىڭ كوپقىرلى ىنتىماقتاستىعىمىزدى ودان ءارى دامىتۋ ءۇشىن مۇمكىندىك مول. گەوگرافيالىق جاعدايىن ەسكەرە وتىرىپ، قازاقستان ورتالىق ازيا مەن ەۋروپالىق وداق اراسىنداعى ءوزارا ءتيىمدى كووپەراتسيانى كەڭەيتۋ ءۇشىن ءوزىنىڭ ساۋدا- ەكونوميكالىق جانە كولىك- لوگيستيكالىق مۇمكىندىكتەرىنىڭ بارلىق سپەكترىن ىسكە قوسۋعا دايىن»، - دەپ اتاپ ءوتتى قاسىم- جومارت توقايەۆ.

وتكەن جىلى قازاقستاننىڭ ە و ەلدەرىمەن ءوزارا تاۋار اينالىمى 40 ميلليارد دوللاردى قۇرادى.

«ورتالىق ازيا مەن ەۋروپالىق وداق ىنتىماقتاستىعىنىڭ بولاشاعى شىن مانىندە كەڭ كولەمدى. وتكەن جىلدىڭ قورىتىندىسى بويىنشا ەۋروپالىق ينۆەستيتسيالار اعىنى % 23- عا ارتىپ، 12,5 ميلليارد دوللاردى قۇرادى»، - دەدى قاسىم- جومارت توقايەۆ.

پرەزيدەنتتىڭ ايتۋىنشا، 30 جىل ىشىندە قازاقستانعا تارتىلعان 350 ميلليارد دوللارلىق تىكەلەي شەتەلدىك ينۆەستيتسيالاردىڭ جارتىسىنا جۋىعى ەۋروپادان كەلگەن.

«ەۋروپالىق وداق - قازاقستاننىڭ ەڭ ءىرى ساۋدا سەرىكتەسى بولىپ وتىر، ءبىزدىڭ سىرتقى ساۋدامىزدىڭ % 40- دان استامى ونىڭ ۇلەسىنە تيەسىلى. وتكەن جىلى قازاقستاننىڭ ە و ەلدەرىمەن ءوزارا تاۋار اينالىمى كولەمى 40 ميلليارد دوللاردى قۇرادى. 2025 -جىلعا قاراي بۇل كورسەتكىشتى 50 ميلليارد دوللارعا جەتكىزۋگە بارلىق مۇمكىندىگىمىز بار دەپ سانايمىن»، - دەدى مەملەكەت باسشىسى.

ايتا كەتەيىك، پرەزيدەنت قاسىم- جومارت توقايەۆ ورتالىق ازيا مەملەكەتتەرى مەن ەۋروپالىق وداق باسشىلارىنىڭ ەكىنشى كەزدەسۋىنە قاتىسۋ ءۇشىن شولپان- اتا (قىرعىزستان) قالاسىنا جۇمىس ساپارىمەن باردى.


سوڭعى جاڭالىقتار