مينيستر ەلورداداعى تۇنگى كلۋبتاردىڭ جۇمىس ۋاقىتىن قىسقارتۋدى ۇسىندى

استانا. قازاقپارات - «قوعاممەن سەرىكتەستىكتە قاۋىپسىزدىكتى قامتاماسىز ەتۋ» تۇجىرىمداماسى اياسىندا استاناداعى ماسەلەلەر كارتاسىن تانىستىرعان ىشكى ىستەر ءمينيسترى مارات احمەتجانوۆ ەلوراداعى تۇنگى كلۋبتاردىڭ جۇمىس ۋاقىتىن قىسقارتۋدى ۇسىندى، دەپ حابارلايدى قازاقپارات ءتىلشىسى.

«قالادا 1 مىڭ شاماسىندا كافە مەن تۇنگى كلۋب بار. بۇل - كاسىپكەرلىكتىڭ ماڭىزدى سالاسى. ونىڭ يەلەرى ءوز كليەنتتەرىنىڭ قاۋىپسىزدىگى ءۇشىن جاعداي جاساي بەرمەيدى. وندا قىلمىستار، ءتۇرلى قۇقىق بۇزۋشىلىقتار جاسالادى. مەن كۇندىزگى تىنىشتىقتى بۇزۋ تۋرالى ايتىپ وتىرعانىم جوق. وتكەن جىلى پوليتسيا وسىنداي 13 مىڭ قوڭىراۋ بويىنشا وقيعا ورنىنا باردى. بيىل - 4,5 مىڭ. ءبىز بۇعان كوپ كۇش پەن ۋاقىت جۇمسايمىز، جانار- جاعارماي كەتەدى. پاترۋل قىزمەتكەرلەرى وسى مەكەمەلەردىڭ قىزمەتشىلەرىنە اينالدى. ماسەلەن، ەلورداداعى ءبىر عانا باردان ۇرلىق، بۇزاقىلىق، جاپپاي توبەلەس بويىنشا 352 شاقىرۋ كەلىپ ءتۇستى»، - دەپ توقتالدى مينيستر.

ۆەدومستۆو باسشىسىنىڭ سوزىنشە، بۇل ماسەلەنى تۇنگى كلۋبتاردا ۋاقىت شەكتەۋىنىڭ بولماۋى كۇردەلەندىرىپ وتىر.

«قازىر قالادا قۇقىق بۇزۋشىلىقتاردىڭ % 80- ى ءتۇن ورتاسىنان كەيىن جاسالادى. سوندىقتان ءماسليحات شەشىمىمەن تۇرعىن ۇيلەردە الكوگولدى ساتاتىن ويىن- ساۋىق مەكەمەلەرىنىڭ جۇمىس ۋاقىتىن ساعات 23:00-گە دەيىن، جەكە تۇرعان عيماراتتاردا - تۇنگى 2:00-گە دەيىن دەيىن رۇقسات بەرۋ ۇسىنىلادى. ارينە، بۇل نورما بيزنەستىڭ مۇددەسىنە اسەر ەتەدى. دەگەنمەن ءبىز تارازىنىڭ كەلەسى باسىندا ازاماتتاردىڭ قاۋىپسىزدىگى تۇرعانىن ءتۇسىنۋىمىز كەرەك»، - دەپ ۇسىنىس ءبىلدىردى مارات احمەتجانوۆ.