ەكولوگيالىق جانە قولايلى جاعاجايلار رەيتينگىندە قاي ەل كوش باستادى؟

استانا. قازاقپارات - ەڭ ەكولوگيالىق تازا جانە جايلى جاعاجايلارى بار، «كوگىلدىر تۋ» حالىقارالىق ماراپاتىنا يە بولعان ەل - يسپانيا بولدى.

بۇل تۋرالى Dunya باسىلىمى ەكولوگيالىق قۇرىلىمنىڭ تاۋەلسىز قورىنا (FEE) سىلتەمە جاساپ جازادى.

باسىلىم مالىمەتىنشە، جوعارى ساپا ستاندارتتارىنا سايكەس كەلەتىن جانە قاۋىپسىز جۇزۋگە جارامدى جاعاجايلار سانى بويىنشا ەكىنشى ورىندى گرەكيا يەلەندى. رەيتينگتەگى ءۇشىنشى ورىن ءداستۇرلى تۇردە قازاقستاندىقتاردىڭ سۇيىكتى كۋرورتى - تۇركياعا كەتتى.

رەسپۋبليكانىڭ 551 جاعاجايى، 23 ياحتا ماريناسى، 41 تۋريستىك قايىق جانە 10 جەكە ياحتا بارلىعى بەدەلدى ماراپاتقا يە بولدى.

كوشباسشىلاردىڭ بەستىگىنە يتاليا مەن فرانسيا جاعاجايلارى ەندى.