11:28, 02 - ماۋسىم 2023 | GMT +6
قاسىم-جومارت توقايەۆ قىرعىزستاننىڭ شولپان-اتا قالاسىنا جۇمىس ساپارىمەن باردى
استانا. قازاقپارات - پرەزيدەنت قاسىم-جومارت توقايەۆ ورتالىق ازيا مەملەكەتتەرى مەن ەۋروپالىق وداق باسشىلارىنىڭ ەكىنشى كەزدەسۋىنە قاتىسۋ ءۇشىن شولپان-اتا (قىرعىزستان) قالاسىنا جۇمىس ساپارىمەن باردى.
بۇل تۋرالى قازاقپارات اقوردانىڭ Telegram كانالىنا سىلتەمە جاساپ حابارلايدى.
مەملەكەت باسشىسىن اۋەجايدا مينيسترلەر كابينەتىنىڭ ءتوراعاسى - قىرعىزستان پرەزيدەنتى اكىمشىلىگىنىڭ باسشىسى اقىلبەك جاپاروۆ قارسى الدى.
سامميتكە قاسىم-جومارت توقايەۆپەن قاتار ەۋروپالىق كەڭەستىڭ پرەزيدەنتى شارل ميشەل، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، وزبەكستان پرەزيدەنتى شاۆكات ميرزيەيەۆ جانە تۇرىكمەنستان مينيسترلەر كابينەتى ءتوراعاسىنىڭ ورىنباسارى نۇرمۇحاممەت اماننەپەسوۆ قاتىسادى دەپ جوسپارلانىپ وتىر.
وسىعان دەيىن قاسىم-جومارت توقايەۆتىڭ رەجەپ تايىپ ەردوعاندى سالتاناتتى ۇلىقتاۋ راسىمىنە قاتىساتىنىن حابارلاعانبىز.