10:26, 02 - ماۋسىم 2023 | GMT +6
ا ق ش پرەزيدەنتى دجو بايدەن ديپلوم تابىستاۋ راسىمىندە ساحنادا قۇلاپ ءتۇستى
استانا. قازاقپارات – ا ق ش پرەزيدەنتى دجو بايدەن كولورادوداعى اسكەري-اۋە كۇشتەرى اكادەمياسىنىڭ تۇلەكتەرىن قۇتتىقتاۋ كەزىندە ساحنادان قۇلاپ ءتۇستى، - دەپ حابارلايدى New York Post باسىلىمى.
باسىلىم مالىمەتىنشە، بايدەن ساحنادا جاتقان قۇم دورباسىن باسىپ وتكەن. ساقشىلار دەر كەزىندە جەتىپ، 80 جاستاعى پرەزيدەنتتى اياعىنان تۇرعىزۋعا كومەكتەستى.
كوپ ۇزاماي اق ءۇي اكىمشىلىگى ا ق ش باسشىسىنا قاتىستى پىكىر ءبىلدىرىپ، ونىڭ جاعدايى جاقسى ەكەنىن ايتتى.
بۇعان دەيىن بايدەن پيتتسبۋرگتە (پەنسيلۆانيا) ءسوز سويلەگەننەن كەيىن ابدىراپ قالىپ، ساحنادان شىعۋدىڭ جولىن بىردەن تابا الماعانى تۋرالى اقپارات تاراعان ەدى.