قازاقستاندىق تەننيسشىلەر ا ق ش- تاعى جارىستىڭ شيرەك فينالىندا كەزدەسەدى

استانا. قازاقپارات - قازاقستاندىقتار بەيبىت جۇقايەۆ پەن ميحايل كۋكۋشكين ا ق ش- تىڭ ليتتل- روك قالاسىندا ءوتىپ جاتقان چەللەندجەر تۋرنيرىنىڭ شيرەك فينالىندا ءوزارا كەزدەسەدى، دەپ حابارلايدى قازاقپارات ءتىلشىسى.

الەمنىڭ 325-راكەتكاسى، 22 جاستاعى ب. جۇقايەۆ جارىسقا ىرىكتەۋ سايىسىنان كەيىن قوسىلىپ، اۋەلى رەيتينگتە 333-ورىندا تۇرعان گەرمانيالىق پەتەر گوەۆچيكتى 6:2، 6:2 ەسەبىمەن تىزە بۇكتىردى.

سودان كەيىن ەكىنشى اينالىمدا سەنساتسيا جاساپ، الەمنىڭ 187- ءىنشى، وسى دودانىڭ 2-راكەتكاسى، امەريكالىق نيكولاس مورەنو-دە-البوراندى جولدان تايدىردى - 6:2، 6:7 (1:7)، 7:6 (7:5).

ءۇش ساعات 6 مينۋتقا سوزىلعان باسەكە بارىسىندا بەيبىت 15 ەيس جاساپ، 9 برەيك-پوينتتىڭ ۇشەۋىن پايدالاندى. جەڭىسكە دەگەن جىگەرى سونداي، سوڭعى تاي-برەيكتە 1:5 ەسەبىمەن ۇتىلىپ جاتىپ، قاتارىنان التى دوپتى ءوز ەسەبىنە جازدى.

الەمنىڭ 296-راكەتكاسى ميحايل كۋكۋشكين الدىمەن رەيتينگتە 1379-ساتىداعى امەريكالىق مايكل چجەندى ءسۇرىندىردى - 7:6 (7:5)، 6:3. ال ەكىنشى اينالىمدا الەمنىڭ 246-راكەتكاسى، امەريكالىق تەننيس ساندگرەننەن ايلاسىن اسىردى - 6:2، 7:5.

وسىلايشا، ب. جۇقايەۆ پەن م. كۋكۋشكين جارتىلاي فينال جولداماسى ءۇشىن كورتقا شىعادى.

ەسكە سالا كەتەيىك، بۇدان بۇرىن ەلەنا رىباكينانىڭ رولان گارروس تۋرنيرىنىڭ ءۇشىنشى اينالىمىنا وتكەنىن جازعان ەدىك.

ەلەنا رىباكينا بوكسپەن اينالىسىپ كورۋى مۇمكىن ەكەندىگىن ايتتى.

اننا دانيلينا جۇپتىق سىندا رولان گارروس تۋرنيرىن جەڭىسپەن باستادى.

رولان گارروس تۋرنيرىندە الەكساندر نەدوۆەسوۆ ءۇشىنشى اينالىمعا جولداما الدى.