الماتىداعى زووباقتان ەندى اق ايۋدى كورۋگە بولادى
زووباقتىڭ حابارلاۋىنشا، بۇل ەرەكشە جانۋاردى وزىمىزگە الۋ ءۇشىن الدىمەن ۇلكەن دايىندىق جۇمىستارى جاسالعان. ارنايى قورشاۋ جاسالىپ، باسسەين سالىنعان.
«ەۋرو-ازيالىق ايماقتىق زووباقتار مەن اكۆاريۋمدار اسسوتسياتسياسىنىڭ (ە ا ر ا ز ا) كەلىسىمىن الىپ، سودان كەيىن عانا ايۋ زووباعىمىزعا ورنالاستىرىلدى. بىزگە كەلگەننەن كەيىن اق ايۋ كارانتيندە بولدى. بۇل تالاپ زووباقتارعا اكەلىنەتىن، باسقا جاققا بەرىلەتىن بارلىق جانۋارلارعا قاتىستى. ەندى، كارانتين اياقتالىپ، ءبىزدىڭ كەلۋشىلەرىمىز زووباعىمىزدىڭ جاڭا تۇرعىنى - پۋرگانى كورە الادى»، - دەلىنگەن حابارلامادا.
ونىڭ ورنالاسقان ۆولەرى كەڭ، اۋلاسىندا ەكى باسسەينى بار.
ۇيشىگىنىڭ ىشىندە اۋانى سالقىنداتىپ تۇراتىن ارنايى جەلدەتكىش ورناتىلعان جانە سۋىق ەدەن جاسالعان.
ول سيىر، تاۋىق ەتىمەن، ءتۇرلى بالىقتارمەن، الما، المۇرت، سالات جاپىراعى، بالمەن قورەكتەنەدى.
پۋرگا جىرتقىش بولسا دا، اينالاسىمەن تەز ءتىل تابىسا الاتىن، مىنەز-قۇلقى جايلى جانۋار.