پاۆلودار قالاسىندا ەگىزدەر شەرۋى ءوتتى
«قوس قانات» فەستيۆالىنە ءوڭىردىڭ بەس پەن ون التى جاس ارالىعىنداعى ەلۋ ەگىز قاتىستى، - دەپ حابارلايدى Massaget.kz ءتىلشىسى.
سونىمەن قاتار، ۇشەمدەر دە قالىس قالعان جوق. البەتتە، ولاردىڭ سانى ازداۋ. تەل قوزىداي تەڭ وسكەن ەگىز جۇپتار ورتالىق جاعاجايدا شەرۋلەتىپ ءوتىپ، قازاقتىڭ ۇلتتىق كيىمدەرىنىڭ ءسان ۇلگىسىن كورسەتتى. ال، ونەرلى جۇپتار جاعالاۋداعى «ertis Promenad» ساحناسىندا ءان شىرقاپ، كۇي توكتى. جالپى، پاۆلوداردا جىل سايىن بالالار كۇنىنە وراي جىلدا «شاتتىق بالا» فەستيۆالى وتكىزىلىپ تۇرادى. بيىلعى شارانىڭ ەرەكشەلىگى ەگىزدەردىڭ شەرۋلەتۋى بولدى.
«ەگىزدەر شەرۋىنىڭ باستى ماقساتى وتباسىلىق قۇندىلىقتاردى ساقتاۋ اتا-انا مەن بالالار اراسىنداعى قارىم قاتىناستى نىعايتۋ. سونىمەن قاتار، وتباسىلىق قۇندىلىقتاردى دارىپتەۋ وتباسىلىق داستۇرلەردى ساقتاۋ بولىپ تابىلادى. بالالىق شاق ادامزاتتىڭ كوكتەمى دەپ، ءسابيت مۇقانوۆ ايتقانداي ەگەمەن قازاقستاننىڭ بولاشاق جاستارى بالالارىنا باقىتتى بالالىق شاق جانە زور دەنساۋلىق تىلەيمىن»، - دەيدى پاۆلودارداعى م. كاتايەۆ اتىنداعى وقۋشىلار سارايىنىڭ ادىسكەرى اسەم ايىپوۆا.
شارا سوڭىندا فەستيۆالگە قاتىسقان بارلىق ەگىزدەرگە سىيلىقتار مەن ارنايى سەرتيفيكاتتار تابىس ەتىلدى.