بوكسپەن دە اينالىسىپ كورۋىم مۇمكىن - ەلەنا رىباكينا
قازاقستاندىق تەننيسشى الدىمەن بۇگىنگى قارسىلاسى، چەحيالىق ليندا نوسكوۆا تۋرالى ايتتى.
- ونىڭ ويىنىن وتكەن جىلى كورگەنمىن، حارد توسەنىشىندە تىم ءتاۋىر تابىستارعا قول جەتكىزدى. ءبىز بۇعان دەيىن ەش ۋاقىتتا بىرگە جاتتىققان ەمەسپىز، جولىمىز دا ءتۇيىسىپ كورمەپتى. بۇگىن دە ول جاقسى وينادى، اسىرەسە، دوپ بەرگەندە ابجىلدىك تانىتتى. مەن ءوزىم دوپ بەرگەنىمە ونشا ريزا بولعان جوقپىن. دەگەنمەن جەڭگەنىمە قۋانىشتىمىن.
- قازاق ەلىنىڭ تۋىن جوعارى كوتەرىپ جۇرگەن بوكستان الەم چەمپيونى گەننادي گولوۆكين بار. ءوزىڭ بوكسپەن اينالىسىپ كوردىڭ بە؟ بوكس پەن تەننيستى جاقىنداستىراتىن ۇقساستىقتار بار ما، ايىرماشىلىقتارى قانداي؟ ەكى اپتاعا سوزىلاتىن رولان گارروس تۋرنيرىندە قارسىلاستاردىڭ ءبارىن «نوكاۋتقا» جىبەرە الاسىڭ با؟
- ارينە، گەنناديدى بىلەمىن. ونىمەن ەشقاشان كەزدەسكەن ەمەسپىن، دەگەنمەن تاماشا سپورتشى. بوكسپەن شۇعىلدانىپ كورمەپپىن. بالكىم، جاتتىعىپ كورۋ پايدالى بولار. ول دا - جىلدام قيمىلدى قاجەت ەتەتىن سپورت ءتۇرى. تەننيستە دە بوكس سياقتى وتە تەز قوزعالىپ، جىلدام ويلاۋ كەرەك. بالكىم، بوكسپەن دە اينالىسىپ كورەرمىن (كۇلەدى).
ەسكە سالا كەتەيىك، بۇدان بۇرىن يۋليا پۋتينتسيەۆانىڭ رولان گارروس تۋرنيرىنىڭ ءۇشىنشى اينالىمىنا شىققانىن جازعان ەدىك.
سونداي-اق الەكساندر نەدوۆەسوۆ تە رولان گارروس تۋرنيرىن ءساتتى باستادى.
ەلەنا رىباكينا رولان گارروس تۋرنيرىنىڭ ءۇشىنشى اينالىمىنا ءوتتى.