قازاقستان شەتەلدىك ب ا ق كوزىمەن بايقاۋىنا وتىنىمدەر قابىلداۋ باستالدى
باسپا ءسوز قىزمەتىنىڭ مالىمەتتەرىنە قاراعاندا، قازاقستان رەسپۋبليكاسى سىرتقى ىستەر مينيسترلىگى، قازاقستان باس رەداكتورلار كلۋبى، «Kazakh Tourism» ۇلتتىق كومپانياسى» ا ق جانە ازياداعى ءوزارا ءىس-قيمىل جانە سەنىم شارالارى جونىندەگى كەڭەسىنىڭ (ا و س ش ك) حاتشىلىعىمەن ءوزارا سەرىكتەستىك شەڭبەرىندە قازاقستان تۋرالى ماتەريالداردى جازاتىن/تۇسىرەتىن شەتەلدىك جۋرناليستەر ءۇشىن «قازاقستان شەتەلدىك ب ا ق كوزىمەن» اتتى 8-بايقاۋىنا وتىنىمدەردى قابىلداۋ باستالعانى تۋرالى حابارلايدى.
2014-جىلدان بەرى جۇرگىزىلىپ كەلە جاتقان كونكۋرستىڭ اياسىندا ەلىمىزدىڭ ءتۇرلى اسپەكتىلەرى تۋرالى مەيلىنشە شىعارماشىل، شىنايى جانە وبەكتيۆتى تۇردە جاريالايتىن شەتەلدىك اۆتورلاردىڭ ماتىندىك جانە بەينە ماتەريالداردى ىرىكتەپ كەلەدى. بايقاۋعا ب ا ق- تا جاريالانعان ماتەريالداردان باسقا، بلوگەرلەردىڭ الەۋمەتتىك جەلىلەردەگى پاراقشالارىندا ورنالاستىرىلعان جۇمىستارى دا قاتىسا الادى.
نەگىزگى تاقىرىپتان باسقا وسى جىلى ا و س ش ك- نىڭ جاڭا نوميناتسياسى ۇسىنىلاتىن بولادى، ونىڭ شەڭبەرىندە «ا و س ش ك: جاڭا الەمدەگى جاڭا ازيا» تاقىرىبىنداعى جۇمىسى ءۇشىن ءبىر جەڭىمپاز ايقىندالاتىن بولادى.
بايقاۋعا قاتىسۋعا 2022-جىلعى 15- شىلدەدەن باستاپ 2023-جىلعى 15- شىلدەگە دەيىنگى مەرزىمدە قازاقستان تۋرالى شەتەلدىك ب ا ق- تا نەمەسە الەۋمەتتىك جەلىلەردە جاريالانعان اقپاراتتىق ماتەريالدار قابىلدانادى.
بايقاۋ جەڭىمپازدارىنىڭ قۇرامىنا ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو، «باس رەداكتورلار كلۋبىنىڭ» باسشىسى بيبىگۇل جەكسەنباي، «Kazakh Tourism» ۇلتتىق كومپانياسى» ا ق باسقارما ءتوراعاسى تالعات امانبايەۆ جانە ا و س ش ك اسكەري-ساياسي ولشەم ساراپشىسى ەلشى دۋلات قۋانىشيەۆ كىرەتىن قازىلار القاسى انىقتايدى.
بايقاۋ قورىتىندىسى بويىنشا بەس گەوگرافيالىق ايماقتان بەس جەڭىمپاز انىقتالادى:
- سولتۇستىك جانە وڭتۇستىك امەريكا؛
- ەۋروپا؛
- ت م د؛
- تاياۋ شىعىس جانە افريكا؛
- ازيا-تىنىق مۇحيت ايماعى جانە «Kazakh Tourism» مەن ا و س ش ك تاقىرىپتارى بويىنشا نوميناتسيا بويىنشا ەكى لاۋرەات.
جەڭىمپازدار استانا، الماتى قالالارى مەن ماڭعىستاۋ وبلىسىنا بارۋ جۇلدەسىنە يە بولادى. ساپار بارىسىندا مازمۇندى مادەني باعدارلاما جوسپارلانعان.
سونىمەن بىرگە، قالىپتاسقان داستۇرگە سايكەس، بايقاۋ جەڭىمپازدارىنا ارنايى مەملەكەتتىك سەكتور وكىلدەرىمەن، ساراپشىلار جانە جۋرناليستەرمەن، قازاقستاننىڭ عىلىم جانە مادەنيەت قايراتكەرلەرىمەن كەزدەسۋلەر ۇيىمداستىرىلاتىن بولادى.
بارلىق جۇمىستار 2023-جىلدىڭ 15- شىلدەسىنەن كەشىكتىرىلمەي [email protected] ەلەكتروندى پوشتاسىنا جىبەرىلۋى ءتيىس.
بايقاۋ ناتيجەلەرىن 2023-جىلدىڭ 1- تامىزىنا دەيىن جاريالاۋ جوسپارلانۋدا.
قوسىمشا اقپارات الۋ ءۇشىن [email protected] پوشتاسىنا نەمەسە 77172720987+ تەلەفونىنا حابارلاسۋعا بولادى.