بيىل ماگيستراتۋراعا قانشا مىڭنان استام گرانت ءبولىندى
تىركەلۋ ۇلتتىق تەستىلەۋ ورتالىعىنىڭ app.testcenter.kz سايتىندا 2023-جىلعى 15- شىلدەگە دەيىن وتەدى، دەپ حابارلايدى قازاقپارات ورتالىقتىڭ باسپا ءسوز قىزمەتىنە سىلتەمە جاساپ.
تەست تاپسىرۋشىلار ءوتىنىش قابىلداۋ مەرزىمى اياقتالعانعا دەيىن، ياعني 15- شىلدەگە دەيىن ءبىلىم باعدارلاماسى توبىنا، تەست تاپسىرۋ ءتىلى مەن ورنىنا (قالاسىنا) وزگەرىس ەنگىزە الادى.
تەستىلەۋ ورنى مەن ۋاقىتى تۋرالى اقپارات 18- شىلدەدە ءتۇسۋشىنىڭ جەكە كابينەتىندە جاريالانادى.
كەشەندى تەستىلەۋدىڭ ءوزى 20- شىلدەدە باستالىپ، 10- تامىزعا دەيىن جالعاسادى.
«كەشەندى تەستىلەۋ ەلەكتروندى فورماتتا وتكىزىلىپ، ءۇش بلوكتان تۇرادى: شەت ءتىلى بويىنشا تەست، وقۋعا دايىندىعىن انىقتاۋعا ارنالعان تەست جانە ءبىلىم باعدارلاماسى توبىنىڭ بەيىنى بويىنشا تەست. بۇعان، جالپى العاندا، 3 ساعات 55 مينۋت بەرىلەدى. شەت ءتىلىن مەڭگەرگەنىن راستايتىن حالىقارالىق سەرتيفيكاتتاردىڭ ءبىرى بار وقۋعا تۇسۋشىلەر شەت ءتىلى بويىنشا تەست تاپسىرۋدان بوساتىلادى»، - دەيدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
بيىل عىلىمي-پەداگوگيكالىق ماگيستراتۋراعا ءتۇسۋ ءۇشىن شەكتى بال – 75، ال بەيىندى ماگيستراتۋراعا - 50 بال.
كەشەندى تەستىلەۋ ناتيجەسىمەن كەلىسپەگەن جاعدايدا وقۋعا تۇسۋشىلەر تەستىلەۋ اياقتالعاننان كەيىن بىردەن اپەللياتسياعا ءوتىنىش بەرە الادى.
ايتا كەتەيىك، 2023-2024 وقۋ جىلىنا ماگيستراتۋراعا تۇسۋگە 13 مىڭنان استام گرانت ءبولىندى.