پوليتسيا ءبولىمىنىڭ ەكس-باستىعى الاياقتىعى ءۇشىن سوتتالدى

اقتوبە. قازاقپارات - اقتوبە قالالىق پوليتسيا ءبولىمىنىڭ ەكس-باستىعى ە. ەشمۇحانوۆ الاياقتىعى ءۇشىن سوتتالدى.

ول پوليتسيادا قىزمەت ەتۋ قۇقىعىنان ءومىر بويىنا ايىرىلدى. سونىمەن بىرگە 2 ميلليون تەڭگە ايىپپۇل تولەيدى، دەپ حابارلايدى قازاقپارات ءتىلشىسى.

اقتوبە قالالىق پوليتسيا ءبولىمىنىڭ ەكس-باستىعى ە. ەشمۇحانوۆ بيىل ۇستالدى. ءىس ماتەريالىنا سۇيەنسەك، بۇرىنعى پوليتسيا قىزمەتكەرى ق. اليەۆ جابىرلەنۋشىنى پايدالانىپ، ە. ەشمۇحانوۆقا پارا بەرۋگە كوندىرەدى.

بيىل 28- ناۋرىز بەن 3- ءساۋىر كۇندەرى ارالىعىندا سوتتالۋشى ق. اليەۆ جابىرلەنۋشىنىڭ سەنىمىنە كىرىپ، بىرنەشە رەت كەزدەسەدى. ءسويتىپ جابىرلەنۋشىدەن 450 مىڭ تەڭگە الىپ، قىلمىستىق قۋدالاۋدى توقتاتۋعا ۋادە بەرەدى.

ال 3- ءساۋىر كۇنى اقتوبە قالالىق پوليتسيا ءبولىمىنىڭ باستىعى قىزمەتىن اتقارعان ە. ەشمۇحانوۆ ارىپتەسى ق. اليەۆپەن جەكە كەزدەسىپ، 200 مىڭ تەڭگەنى الادى. سوت وتىرىسى كەزىندە سوتتالۋشىلار وزىنە تاعىلعان ايىپتى مويىندادى. سوندىقتان سوت ۇكىمى كەزىندە كىنانى مويىنداعانى، كامەلەت جاسقا تولماعان بالالارى ەسكەرىلدى.

«سوت ە. ەشمۇحانوۆتى ايىپتى دەپ تانىپ، 2 ميلليون تەڭگە ايىپپۇل سالدى. ول ءومىر بويى مەملەكەتتىك قىزمەتتە جۇمىس ىستەي المايدى. سونىمەن بىرگە پوليتسيا پولكوۆنيگى شەنىنەن ايىرىلدى. ق. اليەۆ تە ايىپتى دەپ تانىلدى. ول شىعىندى 20 ەسە كولەمدە قايتارادى. ياعني، 9 ميلليون تەڭگە ايىپپۇل سالىندى. ءومىر بويى مەملەكەتتىك قىزمەتتە جۇمىس ىستەي المايدى»، - دەپ حابارلادى 2№ قالالىق سوتتىڭ باسپا ءسوز قىزمەتى.

سوت ۇكىمى زاڭدى كۇشىنە ەنگەن جوق.