وتاندىق ماشينا جاساۋ سالاسىن يمپورتقا تاۋەلدىلىك شەكتەپ وتىر - مينيسترلىك

None
استانا. قازاقپارات - ماشينا جاساۋ الەۋەتىن دامىتۋعا بىرنەشە ماڭىزدى فاكتور كەدەرگى بولىپ وتىر. اشىق ن ق ا پورتالىندا جاريالانعان ماشينا جاساۋ سالاسىن دامىتۋدىڭ 4 جىلدىق كەشەندى جوسپارىندا وسىلاي كورسەتىلگەن، دەپ حابارلايدى قازاقپارات ءتىلشىسى.

«ماشينا جاساۋ الەۋەتىن دامىتۋ، سالانىڭ ىشكى جانە سىرتقى نارىقتارىندا وتاندىق وندىرۋشىلەردىڭ باسەكەگە قابىلەتتىلىگىن ارتتىرۋ بىرنەشە فاكتورمەن شەكتەلەدى. سالادا ماشينا جاساۋ ونىمدەرى ءوندىرىسىنىڭ جىل سايىنعى جالپى ءوسۋى اياسىندا يمپورتقا ايتارلىقتاي تاۋەلدىلىك ساقتالۋدا»، - دەلىنگەن يندۋستريا جانە ينفروقۇرىلىمدىق دامۋ مينيسترلىگىنىڭ تالداۋ دەرەكتەرىندە.

بۇگىندە ماشينا جاسايتىن وتاندىق كاسىپورىندار ىشكى نارىقتىڭ تەك 20 پايىزىن عانا قامتىپ وتىر.

«ۇلتتىق ستاتيستيكا بيۋروسىنىڭ دەرەگىنشە، ەلىمىزدىڭ بارلىق يمپورتىنىڭ شامامەن %40 ماشينا جاساۋ ونىمدەرى. قازاقستاننىڭ ماشينا جاساۋدىڭ ىشكى نارىعى وتاندىق وندىرىسپەن نەبارى %20 قامتاماسىز ەتىلەدى»، - دەپ ماسەلە كوتەرىلگەن كەشەندى جوسپاردا.

بۇعان دەيىن حابارلاعانىمىزداي، قازاقستانداعى ماشينا جاساۋ سالاسىن دامىتۋدىڭ 2024-2028-جىلدارعا ارنالعان كەشەندى جوسپارى بەكىتىلمەك.

سوڭعى جاڭالىقتار