رەسپۋبليكالىق جەدەل-قۇتقارۋ جاساعىنا «بارىس» اتاۋى بەرىلمەك

استانا. قازاقپارات - اشىق ن ق ا پورتالىندا «ق ر توتەنشە جاعدايلار مينيسترلىگىنىڭ كەيبىر ماسەلەلەرى تۋرالى» ۇكىمەت قاۋلىسىنىڭ جوباسى جاريالاندى، دەپ حابارلايدى قازاقپارات ءتىلشىسى.

«ق ر جەدەل-قۇتقارۋ جاساعى» مەملەكەتتىك مەكەمەسىنىڭ اتاۋى «بارىس» رەسپۋبليكالىق جەدەل-قۇتقارۋ جاساعى» مەملەكەتتىك مەكەمەسى بولىپ وزگەرتىلسىن. توتەنشە جاعدايلار مينيسترلىگىنىڭ قاراماعىنداعى مەملەكەتتىك مەكەمەلەر وسى قاۋلىعا قوسىمشاعا سايكەس قايتا ۇيىمداستىرىلسىن»، - دەلىنگەن ۇكىمەت قاۋلىسىنىڭ جوباسىندا.

سونىمەن قاتار، وڭىرلەردەگى جەدەل-قۇتقارۋ جاساقتارى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ قۇرامىنان شىعارىلادى. ەندى ولار ءاربىر وبلىس پەن استانا، شىمكەنت قالالارىنداعى اۋماقتىق توتەنشە جاعدايلار دەپارتامەنتتەرىنە باعىنىستى ۆەدومستۆو بولادى.

«جوبادا مەملەكەت باسشىسىنىڭ تۇركيا رەسپۋبليكاسىنا ساپارى بارىسىندا ايتىلعان تۇركى مەملەكەتتەرىنىڭ توتەنشە جاعدايلار جونىندەگى ورگاندارىنىڭ بىرلەسكەن كۇشتەرىن قۇرۋ جونىندەگى جانە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى رومان سكلياردىڭ تاپسىرمالارىن ىسكە اسىرۋ شەڭبەرىندە جەدەل-قۇتقارۋ جاساقتارىن ءورت ءسوندىرۋ جانە اۆاريالىق-قۇتقارۋ جۇمىستارى قىزمەتتەرىنىڭ قۇرامىنان شىعارۋ جانە ءاربىر وبلىس ورتالىعىندا جانە استانا، شىمكەنت قالالارىندا اۋماقتىق توتەنشە جاعدايلار دەپارتامەنتتەرىنە ۆەدومستۆولىق باعىنىستى 19 دەربەس مەملەكەتتىك مەكەمەلەر تۇرىندە ۇسىنىلادى. ءبىر ۋاقىتتا قازاقستاننىڭ الەمدىك ارەناداعى يميدجىن ارتتىرۋ ءۇشىن جانە رەسپۋبليكالىق جەدەل-قۇتقارۋ جاساعى (الماتى ق.) ورنالاسقان جەرىن ەسكەرە وتىرىپ، ونى «بارىس» رەسپۋبليكالىق جەدەل-قۇتقارۋ جاساعى دەپ قايتا اتاۋ ۇسىنىلادى»، - دەپ تۇسىندىرمە بەرىلگەن قاۋلىعا.

قۇجات 15- ماۋسىمعا دەيىن كوپشىلىك تالقىلاۋدا بولادى.