شەتەلدىك ءنومىرى بار كولىكتەردى پوليتسيانىڭ توقتاتۋىنا نەگىز بولاتىن فاكتورلار زاڭمەن بەكىتىلمەك
«شەتەلدىك كولىكتەردى باقىلاۋدىڭ تيىمدىلىگىن ارتتىرۋ ءۇشىن «جول ءجۇرىسى تۋرالى» زاڭعا كولىك قۇرالىن توقتاتۋعا نەگىز بولاتىن وزگەرىستەردى ەنگىزۋ تۋرالى باستاما جاسالدى. بۇل شەتەلدە تىركەلگەن اۆتوموبيل يەلەرىندە تىركەۋ قۇجاتتارىنىڭ، مەملەكەتتىك نومىرلىك بەلگىلەردىڭ، جۇرگىزۋشى كۋالىگىنىڭ، اۆتوساقتاندىرۋدىڭ بولۋىن جانە ءتۇپنۇسقالىعىن تەكسەرۋدى قامتيدى»، - دەلىنگەن جاۋاپتا.
جاۋاپتا مۇنداي وزگەرىستىڭ نە ءۇشىن قاجەت بولعانى تۋرالى تۇسىنىكتەمە بەرىلگەن.
«اتالعان وزگەرىستەر پارلامەنت ماجىلىسىندەگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسىن ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى شەڭبەرىندە باستاماشىلىق ەتىلدى. سونداي- اق، ىشكى ىستەر مينيسترلىگى كەدەندىك باجدار مەن باسقا دا الىمداردى تولەۋدى اينالىپ وتە وتىرىپ، ۋاقىتشا اكەلىنەتىن شەتەلدىك اۆتوموبيلدەردى زاڭسىز زاڭداستىرۋدىڭ جولىن كەسۋگە باعىتتالعان الدىن الۋ شارالارىن قابىلدادى»، - دەپ جازادى رومان سكليار.