پرەزيدەنت بالا قۇقىقتارى جونىندەگى ۋاكىل ارۋجان سايندى قابىلدادى
كەزدەسۋ بارىسىندا بالالاردىڭ دەنساۋلىعى مەن الەۋمەتتىك تۇرعىدا قورعالۋىنا، سونداي- اق بالالارعا جاسالاتىن زورلىق- زومبىلىققا قارسى ءىس- ارەكەتكە قاتىستى وزەكتى ماسەلەلەر تالقىلاندى.
مەملەكەت باسشىسىنا بالا قۇقىقتارى جونىندەگى ۋاكىلدىڭ اتقارعان قىزمەتى تۋرالى ەسەپ بەرىلدى.
پرەزيدەنت كامەلەتكە تولماعان بالالاردىڭ قاۋىپسىزدىگىن قامتاماسىز ەتۋ جانە قۇقىق بۇزۋشىلىقتاردىڭ الدىن الۋ ءۇشىن پارمەندى شارالار قابىلداۋ، سونداي- اق جەتىم بالالاردىڭ قۇقىقتارىن قورعاۋعا بەرىلگەن كەپىلدىكتى ساقتاۋ، مۇمكىندىگى شەكتەۋلى بالالاردى قولداۋ ماڭىزدى ەكەنىنە نازار اۋداردى.
قاسىم- جومارت توقايەۆ بالا قۇقىعىن قورعاۋ جانە دەنساۋلىعىن ساقتاۋ جۇيەسىن نىعايتۋ اسا ماڭىزدى ەكەنىن اتاپ ءوتتى. سوندىقتان بالالاردى قورعاۋعا قاتىستى بارلىق ۇسىنىس پەن باستامانى جۇزەگە اسىرماس بۇرىن مۇقيات زەرتتەۋ قاجەت.
سونىمەن قاتار مەملەكەت باسشىسى تۋىنداعان تۇيتكىلدەردى شەشۋگە تىكەلەي اتسالىسۋ ءۇشىن بالا قۇقىقتارى جونىندەگى ۋاكىلدىڭ جەرگىلىكتى جەردەگى جۇمىسىن جانداندىرۋ قاجەت ەكەنىنە نازار اۋداردى.
بۇدان بولەك، پرەزيدەنت بالا قۇقىقتارى جونىندەگى ۋاكىلگە ءبىرقاتار مىندەت جۇكتەدى. اتاپ ايتقاندا، بالالاردىڭ قاۋىپسىزدىگىن قامتاماسىز ەتۋ جونىندەگى شارالاردى كۇشەيتۋ، بالالارعا قاتىگەزدىك جاساۋ فاكتىلەرىنە دەر كەزىندە ءمان بەرۋ، بۋللينگكە قارسى كۇرەسۋ، بالالار مەن جاسوسپىرىمدەر اراسىنداعى سۋيتسيدكە يتەرمەلەيتىن ارەكەتتەردىڭ الدىن الۋ، ارنايى ءبىلىم الۋعا مۇقتاج بالالاردى قولداۋ، سونداي- اق جەتىم- بالالار مەن اتا- اناسىنىڭ قامقورلىعىنسىز قالعان بالالاردى باسپانامەن قامتاماسىز ەتۋ ماسەلەلەرىنە باسا نازار اۋدارۋدى تاپسىردى.