قىتاي مەن ءۇندىستاننىڭ قارىم-قاتىناسى ۋشىقتى

استانا. قازاقپارات - قىتاي مەن ءۇندىستان اراسى ۋشىعىپ بارادى. سوڭعى اپتادا ەكى ەل قارسى تاراپتىڭ جۋرناليستەرىن ەلدەن شىعارىپ جىبەردى.

الدىمەن نيۋ-دەلي قىتاي ورتالىق تەلەارناسى مەن شينحۋا اگەنتتىگىنىڭ تىلشىلەرىنە ۆيزا مەرزىمىن ۇزارتقان جوق.

جاۋاپ رەتىندە بەيجىڭ ەلدەگى جالعىز ءۇندى ءتىلشىسىنىڭ اككرەديتاتسياسىنىڭ كۇشىن جويدى. ايتا كەتۋ كەرەك، 60 -جىلداردىڭ باسىندا قوس ەل گيمالايداعى داۋلى جەر ءۇشىن سوعىسقان بولاتىن. ال 2020 -جىلى شەكارادا قايتا قاقتىعىس بولىپ، 24 ادام قازا تاپقان.

ماو نين، قىتاي سىرتقى ىستەر مينيسترلىگىنىڭ رەسمي وكىلى:

- ۇزاققا سوزىلعان ءۇندىستان جاعىنان نەگىزسىز قىسىمعا ۇشىراعاننان كەيىن، قىتايلىق اقپارات قۇرالدارىنىڭ زاڭدى قۇقىقتارى مەن مۇددەلەرىن قورعاۋ ءۇشىن جاۋاپ شارالار قابىلداۋدان باسقا امالىمىز قالعان جوق. الايدا قىتاي بۇرىنعىشا ۇندىستانمەن ءوزارا سىيلاستىق پەن تەڭدىك نەگىزىندە بايلانىستى ساقتاپ قالۋعا دايىن ەكەنىن ەرەكشە ايتقىم كەلەدى.

www.24.kz