نەكەگە تۇرماس بۇرىن قىز بەن جىگىت بەدەۋلىككە مەديتسينالىق تەكسەرىستەن ءوتۋى ءتيىس - مينيسترلىك تۇسىنىكتەمە بەردى
«بۇل - جوبا. ونىڭ اياسىندا ايتىلىپ وتىرعان ۇسىنىس مىندەتتى تەكسەرۋدى كوزدەمەيدى. ءاربىر جاس جۇپ نەكەگە تۇرماس بۇرىن ەرىكتى تۇردە وسى تەكسەرىستەن ءوتىپ، دەنساۋلىق جاعدايى تۋرالى تولىق اقپارات الا الادى. الىنعان مالىمەتتەردىڭ ناتيجەسى جىگىت نەمەسە قىزدىڭ قولىنا بەرىلەدى. ول نەكەنى ءارى قاراي جالعاستىرماۋ كەرەك دەگەن شەكتەۋ ەمەس. نەكەگە تۇرۋعا تىيىم سالىنبايدى»، - دەپ ءتۇسىندىردى و ك ق- دە وتكەن بريفينگىدە انالار دەنساۋلىعىن قورعاۋ باسقارماسىنىڭ باسشىسى شاكيزات حالىقوۆا.
سپيكەردىڭ پايىمىنشا، اتالعان جوبا جوسپارلى جۇكتىلىككە باعىتتالعان. ەگەر الدىن الا مەديتسينالىق تەكسەرۋدەن وتكەن كەزدە ەر ادامنان نەمەسە قىزدىڭ دەنساۋلىعىندا دەرت انىقتالسا، وعان ەم ۇسىنىلادى. ول نەكە كەزىندە بولۋى مۇمكىن تەرىس سالداردىڭ الدىن الۋعا ارنالعان.
ەسكە سالا كەتەيىك، تاياۋدا دەنساۋلىق ساقتاۋ مينيسترلىگى جاستارعا نەكە قۇرماس بۇرىن بەدەۋلىككە ارنايى مەديتسينالىق تەكسەرۋدەن ءوتۋدى ۇسىنعان بولاتىن.
اۆتور:
ءاليحان اسقار