وڭتۇستىك كورەيانىڭ قازاقستاندىقتارعا زاڭدى ەڭبەك ەتۋگە رۇقسات بەرۋى ماڭىزدى –س ءى م
«بۇگىنگى كەزدەسۋ بارىسىندا وڭتۇستىك كورەيا رەسپۋبليكاسىنىڭ سىرتقى ىستەر ءمينيسترى پاك جين مىرزامەن مەملەكەتارالىق بايلانىستىڭ ماڭىزىن ەسكەرىپ، ەكى ەل ازاماتتارىنىڭ ەڭبەك جانە كوشى-قون قۇقىقتارىن قامتاماسىز ەتۋ ماسەلەسىن ورتاعا سالدىق. ءوز تاراپىمنان، قازاقستان ازاماتتارىنىڭ كورەيادا زاڭدى جۇمىس ىستەۋى ماسەلەسىنە ءمان بەرىپ، اسىرەسە، اتالعان ەلدىڭ «ەڭبەككە رۇقسات بەرۋ جۇيەسىنىڭ» تىزىمىنە قازاقستاندى قوسۋى ەلىمىز ءۇشىن اسا ماڭىزدى ەكەنىنە نازار اۋداردىم»، - دەدى مۇرات نۇرتىلەۋ وڭتۇستىك كورەيا رەسپۋبليكاسىنىڭ سىرتقى ىستەر ءمينيسترى پاك جيننىڭ ەلىمىزگە ساپارى بارىسىندا ۇيىمداستىرىلعان بريفينگتە.
ۆەدومستۆو باسشىسىنىڭ مالىمدەۋىنشە، وڭتۇستىك كورەيامەن ساياسي ديالوگ، ساۋدا-ەكونوميكالىق جانە مادەني-گۋمانيتارلىق ىنتىماقتاستىق ءورىسىن كەڭەيتۋ - ەكى ەلگە ورتاق ءىس.
«سوندىقتان مينيستر پاك جينمەن قويان-قولتىق جۇمىس ىستەۋگە دايىن ەكەنىمدى تاعى قۋاتتاپ، ەكىجاقتى قارىم-قاتىناسىمىزدى جاڭا بەلەسكە شىعارۋعا ورتاق كۇش سالاتىنىمىزعا كامىل سەنىمدىمىن»، - دەيدى ۆەدومستۆو باسشىسى.