20:40, 31 - مامىر 2023 | GMT +6
ماجىلىستە «ادام ساۋداسىنا قارسى ءىس-قيمىل تۋرالى» زاڭ جوباسى تالقىلاندى
استانا. قازاقپارات - ىشكى ىستەر ءمينيسترىنىڭ ورىنباسارى ەرجان سادەنوۆ ءماجىلىستىڭ زاڭناما جانە سوت-قۇقىقتىق رەفورما كوميتەتىنە «قازاقستان رەسپۋبليكاسىنداعى ادام ساۋداسىنا قارسى ءىس-قيمىل تۋرالى» زاڭ جوباسىن تانىستىردى، دەپ حابارلايدى قازاقپارات.
«زاڭ جوباسى 6 تاراۋ مەن 22 باپتان تۇرادى. بۇعان دەيىن «ادام ساۋداسىنىڭ قۇربانى»، «ادام ساۋداسىنىڭ ىقتيمال قۇربانى»، «وسال جاعداي، ادام ساۋداسىنا قارسى ءىس-قيمىل سۋبەكتىلەرى» جانە وزگە دە ۇعىمدار زاڭناما دەڭگەيىندە بەكىتىلمەگەن ەدى»، - دەدى ءمينيستردىڭ ورىنباسارى.
زاڭ جوباسىندا ادام ساۋداسىنا تاپ بولعان ادامنىڭ ازاماتتىعىنا قاراماستان قورعاۋعا الىنىپ، ءىس اياقتالعانشا بۇكىل قۇقىعىن ساقتاۋعا كەپىلدىك بەرىلەتىنى ناقتىلانعان.
سونداي-اق، ادام ساۋداسىنىڭ الدىن الۋ ءۇشىن ىقتيمال قۇرباندارمەن جۇمىستى كۇشەيتۋگە باعىتتالعان شارالار كوزدەلگەن.