كۇنگە قالاي دۇرىس كۇيۋ كەرەك؟

None
استانا. قازاقپارات - تەرىنى كۇيدىرىپ الماي، ونى كۇنگە ادەمى ەتىپ قارايتۋ مۇمكىن بە؟ ول ءۇشىن نە ىستەۋ كەرەك؟

كۇنگە قارايۋدىڭ ارتىقشىلىقتارى:

تەرىنىڭ ادەمى ءتۇسى؛

D دارۋمەنى؛

باقىت گورمونى - سەروتونين دەڭگەيىنىڭ ارتۋى؛

يممۋنيتەتتىڭ جاقسارۋى.

ءبىراق كۇن استىندا ۇزاق بولۋدىڭ كەمشىلىكتەرى دە بار: كۇيىك الۋ قاۋپى جانە ۋلتراكۇلگىن ساۋلەنىڭ زياندى اسەرى (ونكولوگيا قاۋپىن ارتتىرادى، تەرى جاسۋشالارىنىڭ بۇزىلۋى جانە ت. ب).

كۇنگە قارايۋعا قالاي دايىندالۋ كەرەك؟

ەگەر تەڭىزگە دەمالۋعا بارىپ، كۇننىڭ استىندا جاتىپ قارايۋدى جوسپارلاساڭىز، وعان تەرىنى دايىنداۋ ماڭىزدى.

بىرتىندەپ قارايىڭىز. تەرىڭىزدى قوڭىرقاي ەتۋ ءۇشىن جاعاجايدان كەتپەي قويعانمەن، ويلاعانىڭىزداي بولمايدى. ءبىرىنشى كۇنى مەلانين كوپ ءبولىنىپ قويسا، كەلەسى كۇنى ول ءسىزدىڭ قارايۋىڭىزعا مۇمكىندىك بەرمەيدى. سول ءۇشىن دە كۇنگە بىردەن شىقپاعان ءجون.

كۇنگە قاۋىپسىز قارايۋ ءۇشىن ناقتى ۋاقىتتا شىققان ءجون: ساعات 10:00 گە دەيىن جانە 16:00 دەن كەيىن.

ءبىرىنشى كۇنى كۇننىڭ استىندا 30 مينۋتتان ارتىق بولماڭىز: بۇل ۋاقىتتى اراسىنا ءۇزىلىس الىپ، ەكىگە بولگەن دە جاقسى. كۇن سايىن بۇل ۋاقىتتى 15 مينۋتقا ارتتىرىڭىز. ءبىراق 2-3 ساعاتتان ارتىق كۇنگە كۇيۋدىڭ قاجەتى جوق.

مىندەتتى تۇردە كۇننەن قورعايتىن كرەم جاعىڭىز. قازىر كۇننەن قورعايتىن قۇرالداردىڭ تۇرلەرى كوپ: كرەمدەر، لوسوندار، مايلار، سپرەيلەر، ستيكتەر. ولاردىڭ قانداي ءتۇرىن تاڭداساڭىز دا، ولار كۇنگە قارايۋ جىلدامدىعىنا اسەر ەتپەيدى. ولاردىڭ بارلىعى قاۋىپسىزدىكپەن بىردەي قامتاماسىز ەتەدى. ەگەر تەرىڭىز قۇرعاق بولسا، ونىڭ تەكستۋراسى تىعىز ءتۇرىن، تەرىڭىز مايلى بولسا، تەكسترۋاسى جەڭىل ءتۇرىن تاڭداڭىز.

كرەم ۋلتراكۇلگىن ساۋلەنىڭ ەڭ قاۋىپتى ءتۇرى - UVF- تەن قورعايدى. UVF ساۋلە تەرىنى قىزارتادى، كۇيدىرەدى جانە قاتەرلى ىسىك تۋدىرۋى مۇمكىن. SPF - كۇننەن قورعاۋشى فاكتور، ال جانىنداعى سان ونىڭ دەڭگەيىن كورسەتەدى. ول قانشالىقتى جوعارى بولسا، سايكەسىنشە، قورعانىش تا كوپ بولادى.

كۇننەن قورعايتىن كرەمدى جاعۋ ەرەجەسى

دالاعا كۇننىڭ كوزىنە شىعۋعا 20 مينۋت قالعاندا جاعىپ الىڭىز: ول تەرىگە ءسىڭۋى كەرەك؛

كرەم قاباتىن ءار 2 ساعات سايىن جانە سۋعا تۇسكەن سايىن جاڭارتىڭىز؛

كرەم جاققاندا تەرى قۇرعاق بولۋى كەرەك؛

تەرىسى اق ادامدار كۇنگە قالاي دۇرىس كۇيۋ كەرەك؟

تەرىسى اق ادامداردىڭ كۇنگە قارايۋى قيىن. ولار ادەتتە كۇننىڭ استىندا از ۋاقىت بولسا دا، كۇيىك الادى نەمەسە تەرىسىنە اللەرگيا شىعىپ كەتەدى.

كۇنگە ادەمى جانە تەگىس قارايۋ ءۇشىن مىنا ەرەجەلەردى ساقتاڭىز:

راتسيونعا مەلانين بولىنۋىنە ىقپال ەتەتىن شىرىندار قوسىڭىز: ءسابىز، قىزىلشا، اپەلسين شىرىنى؛

SPF 50 دەن تومەن كرەم قولدانباڭىز. ول كۇنگە قارايۋعا مۇمكىندىك بەرمەيدى دەپ ويلاماڭىز. ونى جاقساڭىز دا كۇنگە قاراياسىز، سونداي-اق ول تەرىنى كۇيىكتەن قورعايدى.

كۇننىڭ استىندا 30 مينۋتتان ارتىق جاتپاڭىز جانە ودان كەيىن تەرىنى ىلعالداندىرۋدى ۇمىتپاڭىز.

massaget.kz

سوڭعى جاڭالىقتار