قىرعىزستان مەن قىتاي شەكاراسىندا جەر سىلكىندى

استانا. قازاقپارات - سەيسميكالىق ستانسالار جەلىسى 31- مامىردا الماتى ۋاقىتىمەن 13 ساعات 12 مينۋت 46 سەكۋندتا جەر سىلكىنىسىن تىركەدى.

بۇل تۋرالى قازاقپارات «سەيسمولوگيالىق تاجىريبە-ادىستەمەلىك ەكسپەديتسياسى» ج ش س سايتىنا سىلتەمە جاساپ حابارلايدى.

«جەر سىلكىنىسىنىڭ وشاعى الماتى قالاسىنان 316 شاقىرىم قاشىقتىقتا، قىرعىزستان مەن قىتاي شەكاراسىندا ورنالاسقان. جەر سىلكىنىسىنىڭ ەنەرگەتيكالىق كلاسى - 10.9. ماگنيتۋداسى - 4.9. ەپيتسەنتر كوورديناتتارى - 40.37 گرادۋس. تەرەڭدىگى - 10 كيلومەتر. МSК-64 باعانى بويىنشا سەزىلگەنى تۋرالى مالىمەتتەر جوق»، - دەلىنگەن الماتى قالاسى و س و كەزەكشى وپەراتوردىڭ حابارلاماسىندا.