اجەتحاناداعى قىزدار توبەلەسى: ش ق و پروكۋراتۋراسى ءىستى سوتقا جىبەردى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وقيعاعا كامەلەتكە تولماعان جەتى بالانىڭ قاتىسى بار. ءتارتىپ ساقشىلارى تەرگەۋ بارىسىندا ولاردىڭ بارلىعىنان جاۋاپ الدى.
«قازىرگى ۋاقىتتا تەرگەۋ امالدارى اياقتالدى. پروكۋراتۋرا تەرگەۋدىڭ بارلىق ماتەريالدارىن زەردەلەپ شىقتى. ءىس سوتقا جولداندى»، - دەلىنگەن اقپاراتتا.
بەلگىلى بولعانداي، سوتتىڭ العاشقى وتىرىسى 5- مامىر كۇنى وتەدى.
ەسكە سالساق، ءساۋىر ايىنىڭ باسىندا وقۋشى قىزدىڭ كوللەدج ستۋدەنتىن سوققىعا جىعىپ جاتقانى تۋرالى ۆيدەو الەۋمەتتىك جەلىدە تاراپ، كوپتىڭ قىزۋ تالقىسىنا تۇسكەن ەدى. بەلگىلى بولعانداي، بۇل وقيعا ناۋرىز ايىندا وسكەمەندەگى «ا د ك» ساۋدا ورتالىعىنىڭ اجەتحاناسىندا بولعان.
كوپ ۇزاماي جەلىدە كۇدىكتى قىزدىڭ اكەسى انتيكوردا جۇمىس ىستەيتىنى تۋرالى اقپارات تارادى. ق ر سىبايلاس جەمقورلىققا قارسى ءىس-قيمىل اگەنتتىگى ش ق و بويىنشا دەپارتامەنتىنىڭ باسشىسى دەنيس شاكەنوۆ وقيعاعا قاتىسقان ادامداردىڭ انتيكور قىزمەتكەرلەرىمەن ەشقانداي تۋىستىق بايلانىسى جوقتىعىن حابارلادى.