بۇگىن - ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى

استانا. قازاقپارات - بۇگىن قازاق حالقىنىڭ دامۋ الەۋەتىن ونداعان جىلدارعا كەشەۋىلدەتىپ، ادامي كاپيتالىن ورنى تولماس شىعىنعا ۇشىراتقان ⅩⅩ عاسىرداعى ساياسي ناۋبەتتەردىڭ قۇرباندارىن ەسكە الۋ كۇنى، دەپ حابارلايدى قازاقپارات.

بۇل داتا 1920 -جىلدان باستالىپ، 1987 -جىلعا دەيىن تولقىن- تولقىنمەن جالعاسقان ساياسي قۋعىن-سۇرگىننىڭ قۇرباندارىن ەسكە الۋعا ارنالعان. رەسمي تاريح ءدال وسى كەزەڭدە قازاق حالقىنىڭ باس كوتەرەر اسىل پەرزەنتتەرى دە، قاراپايىم قاۋىمى دا ساياسي قۋعىن- سۇرگىن ماشيناسىنىڭ بۇكىل ازابى مەن اۋىرتپالىعىن باستان وتكەردى دەپ ەسەپتەيدى.

جاپپاي ساياسي قۋعىن-سۇرگىندەر قۇرباندارىن اقتاۋ تۋرالى زاڭ العاش رەت 1993 -جىلدىڭ 14-ساۋىرىندە قابىلدانعان بولاتىن. سودان بەرگى 30 جىلدىڭ ىشىندە قۇجات 7 رەت جاڭارتىلىپتى. سوڭعى جاڭارتۋ 2023 -جىلدىڭ 19-ساۋىرىندە قابىلدانعان.

ول رەداكسيا 1920-1950 -جىلدارداعى ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ قورىتىندىسىنان كەيىن قابىلداناتىنى ايتىلعان ەدى.