قاراعاندىلىق وقۋشىلار ا ق ش-تا وتەتىن بايقاۋعا يننوۆاتسيالىق جوبا ۇسىنباق
وعان قاراعاندى مامانداندىرىلعان «مۇراگەر» مەكتەپ-ينتەرناتىنىڭ «JelToqSun» كومانداسى ءوز جوبالارىن ۇسىنباقشى. ولار روبوتوتەحنيكا جانە باعدارلامالاۋ داعدىلارى عانا ەمەس يننوۆاتسيالىق جوبالار بايقاۋىندا دا باق سىنايدى. توپ مۇشەلەرى ەنەرگيا تاقىرىبىنىڭ وزەكتى ماسەلەلەرىنىڭ ينجەنەرلىك شەشىمىن تاپتى. ولاردىڭ جەل ەلەكتر ستانتسياسى قولدانىسقا ەنسە ءوندىرىس، شارۋاشىلىق ءۇشىن ءتيىمدى بولماق.
«ءبىزدىڭ يننوۆاتسيالىق گەنەراتورىمىز قازاقتىڭ كيىز ءۇيى ىسپەتتى. كونۋس ءپىشىنىنىڭ ارقاسىندا جەلدى جان-جاقتان ۇستايدى. اۋىلدىق جەردە، اسىرەسە ەلدىڭ سولتۇستىگىندە قاتتى جەل تۇرسا ەسكى ماگيسترالدىق جەلىلەر ىستەن شىعىپ قالادى. ال ءبىزدىڭ جوبا سول تابيعي قۇبىلىستى پايدالى مەحانيزمگە پايدالانۋ. بۇل جوبانى بۇرىننان بار كوپ ءجۇزدى روتوردىڭ نەگىزىندە جاسادىق. بىزدە «جەل ديىرمەنىنىڭ» بىرنەشە نۇسقاسى بولدى، ءتورتبۇرىشتى، دوڭگەلەك ولاردىڭ بارلىعىن تاجىريبەدەن وتكىزدىك. ونىڭ تيىمدىلىگىن جەلدىڭ جىلدامدىعىنا بايلانىستى قوزعالىسىنا قاراي ەسەپتەدىك»، - دەيدى كوماندا ينجەنەرى سانجار سارسەمبايەۆ.
ايتا كەتەيىك، وقۋشىلار ءوز جوبالارىن جەرگىلىكتى مەتاللۋرگيا كاسىپورنىنىڭ ينجەنەرلەرىنە تانىستىردى، وعان مەملەكەتتىك ۋنيۆەرسيتەتتەردىڭ عالىم، دوكتورلارى وڭ باعا بەردى.
ەندى Massachusetts FIRST Lego League حالىقارالىق چەمپيوناتىندا قورعايتىن بولادى. وقۋشىلار ا ق ش-قا جولدامانى استانا قالاسىندا ق ر وقۋ-اعارتۋ مينيسترلىگىنىڭ قولداۋىمەن وتكەن Central Asia FIRST LEGO League Championship روبوتوتەحنيكا سايىسىندا جەڭىپ العان بولاتىن.