09:06, 31 - مامىر 2023 | GMT +6
ءبىز اۋىر سىناققا توتەپ بەرگەن، ۇلت بىرلىگىن ساقتاپ قالعان اتا-بابامىزدىڭ ءۇمىتىن اقتاۋىمىز قاجەت - پرەزيدەنت
استانا. قازاقپارات - استانا. قازاقپارات - پرەزيدەنت 31-مامىر - ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي Twitter-دە ارنايى جازبا جاريالادى، دەپ حابارلايدى قازاقپارات.
- ءبىز بۇگىن ساياسي قۋعىن-سۇرگىن جانە اشارشىلىق قۇرباندارىن ەسكە الامىز. توتاليتاريزمنىڭ بۇل قىرعىنى حالقىمىزعا وراسان زور قاسىرەت اكەلدى. تاريحىمىزدىڭ قايعىلى كەزەڭدەرىن تەرەڭ زەردەلەپ، جازىقسىز جاپا شەككەن بوزداقتاردى اقتاۋ ءىسىن جالعاستىرۋ - وتە ماڭىزدى ماسەلە، - دەپ جازدى قاسىم-جومارت توقايەۆ Twitter-دە.
پرەزيدەنتتىڭ پىكىرىنشە، ازالى كۇندەردەن ساباق الىپ، مۇنداي ناۋبەتتىڭ كەلەشەكتە قايتالانۋىنا جول بەرمەۋ - بارشامىزعا ورتاق پارىز. ءبىز اۋىر سىناققا توتەپ بەرگەن، ۇلت بىرلىگىن ساقتاپ قالعان جانە اسىل قاسيەتتەرىن جوعالتپاعان اتا-بابامىزدىڭ ءۇمىتىن اقتاۋىمىز قاجەت.