ش ق و-دا جەرگىلىكتى شارۋالاردىڭ مالىن ۇرلاپ، الماتى وبلىسىنا وتكىزىپ كەلگەن ادام ۇستالدى

وسكەمەن. قازاقپارات - شىعىس قازاقستان وبلىسىندا شارۋا قوجالىقتارىنان 30 دان استام مال ۇرلاپ، الماتى وبلىسىنا وتكىزىپ جىبەرگەن ادام ۇستالدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، پوليتسيا قىزمەتكەرلەرى جەدەل-ىزدەستىرۋ شارالارىن جۇرگىزۋ بارىسىندا ۇلان اۋدانىنىڭ اۋماعىندا ۇزاق ۋاقىت مال ۇرلىعىمەن اينالىسقان ەر ادامدى قۇرىقتادى.

«بەلگىلى بولعانداي، ول 2023 -جىلى جەرگىلىكتى شارۋا قوجالىقتارىنا ءۇش رەت ۇرلىققا تۇسكەن. ءسويتىپ، 33 باس مالدى ۇرلاپ كەتتى. سودان سوڭ مالدى الماتى وبلىسىنا وتكىزىپ جىبەرگەن. ءتارتىپ ساقشىلارى اتالعان وڭىردەگى بازارلاردىڭ بىرىنەن مالدى تاۋىپ، جابىرلەنۋشىلەرگە قايتاردى. ماتەريالدىق زالال تولىعىمەن وتەلدى»، - دەلىنگەن اقپاراتتا.

كۇدىكتىگە قاتىستى تەرگەۋ امالدارى جالعاسۋدا. ول ۇلان اۋدانىنداعى پ ب-نىڭ ۋاقىتشا ۇستاۋ يزولياتورىنا قاماۋعا الىنعان.